Aʼyeju tiquʼn in kubʼ qnaʼn tzalajbʼil

1. At nimxix tzalajbʼil toj qanmi

ex at nim tiquʼn tuʼn tkubʼ qnaʼn.

Aqeju xjal at jun bʼaʼn kyanmi

in che tzaj tiʼn Qman Dios toj ttnam.

Ex aju tzalajbʼil in kubʼ qnaʼn,

atz in jyet quʼn tojju Xjan Uʼj.

Tkyaqil qʼij in nok qojtzqiʼn t-xnaqʼtzbʼil,

ex tuʼn jlu in chʼiy qʼuqbʼil qkʼuʼj.

Ik ttenju tzalajbʼil in kubʼ qnaʼn,

ik tzeʼn aju tqan qʼaqʼ in kʼant.

Kykyaqil qe nya bʼaʼn in che ikʼx quʼn,

tuʼn qipun in tzaj tqʼoʼn Jehová.

2. In qo ximen tukʼe tzalajbʼil

tiʼj tbʼinchbʼen at twitz Txʼotxʼ ex kyaʼj.

Ax ikx in qo tzalaj tiʼj Xjan Uʼj,

aj tyolin tiʼj tbʼinchbʼen Jehová.

In qo pakbʼan tukʼe tzalajbʼil

tiʼj Tkawbʼil Dios kye xjal toj kyyol.

In xi qqʼamaʼn qa ya in kawin

ex tzul tiʼn kʼiwlabʼil twitz Txʼotxʼ.

Toj chʼintl ambʼil ok kʼeletz tqan Qʼij

ex qo tzalajel te jumajx.

Ik tzeʼn o tzaj ttziyen Jehová qe,

chʼix tul laqʼeʼ akʼaj twitz Txʼotxʼ.