BʼITZ 16
Qnimsanktz Jehová tuʼnju toklen Tkʼwaʼl
(Apocalipsis 21:2)
1. O txi tzyet tuʼn tkawin Jesús,
xi qʼoʼn toklen tuʼn Jehová.
Toj tumel ex tzʼaqlixix kkawil
tuʼn tjapun twi t-xim Dios kyiʼj xjal.
(QKYAQIL)
¡Kynimsanktze Jehová tiʼj toklen Tkʼwaʼl!
¡Kynimsanktze Jesús, aju Rey!
Che bʼine te Cristo, aqeye t-ẍneʼl
ex kukx che ajbʼene te.
Kynimsanktze Jehová tiʼj toklen Tkʼwaʼl,
o tzʼok te aj Kawil toj kyaʼj.
A kʼajbʼel tuʼn tjaw tnimsaʼn tbʼi Jehová
ex kʼokel tqʼoʼn tbʼi te xjan.
2. At jun kʼloj xjal che xeʼl toj kyaʼj,
o che jaw skʼoʼn tuʼn Qman Dios.
Che tel tukʼil Cristo tuʼn kykawin.
Chʼix tul Tbʼanel Najbʼil twitz Txʼotxʼ.
(QKYAQIL)
¡Kynimsanktze Jehová tiʼj toklen Tkʼwaʼl!
¡Kynimsanktze Jesús, aju Rey!
Che bʼine te Cristo, aqeye t-ẍneʼl
ex kukx che ajbʼene te.
Kynimsanktze Jehová tiʼj toklen Tkʼwaʼl,
o tzʼok te aj Kawil toj kyaʼj.
A kʼajbʼel tuʼn tjaw tnimsaʼn tbʼi Jehová
ex kʼokel tqʼoʼn tbʼi te xjan.
(Ax ikx jyonkuxa Prov. 29:4; Is. 66:7, 8; Juan 10:4; Apoc. 5:9, 10).