Jótso Biblia

A nrʼoéle Niná kjoabʼetsʼoa xi batío ngatsʼi chjota

JÓSINGÁI JI

• A nrʼoéle ngatsʼi

• Axo tokʼaa xi nrʼoéle

• Axo nijngojin

JÓTSO BIBLIA

“Je Jeobá chrian tíjnale [...] ngatsʼi xi ñaki kjoaixi nga básjai” (Salmo 145:18).

JÓTSOSA BIBLIA

• Je Niná alikui nrʼoéle je chjota xi toxá sʼínni nga tsín sítjoson (Isaías 1:15). Tonga tsa sikʼantjaiya josʼin tjíofikao yaole, ndasʼin koatio ngixko̱n Niná (Isaías 1:18).

• Kʼiatsa mená nga kjuinrʼoéná je Niná kʼianga kʼoétsʼoalee, tjínnele kui si̱jélee jmeni xi tso je kjoatéxomale, je xi faʼaitʼa Biblia (1 Juan 5:14).

A machjénní nga kjaʼaíkjoansʼin kuinyaa kʼianga kʼoétsʼoaa

TJÍNKʼA CHJOTA XI KʼOATSO nga tjínnele kuisenxkónyʼiaan kʼianga kʼoétsʼoaa, nga kuichonjeen je jkoaa kʼoa nga kuinyakjoaa je ndsaa. Jósingái ji.

JÓTSO JE BIBLIA

Nichxin kjoatse, je Niná kinrʼoéle je chjota xi tsakʼétsʼoale ninga tsakinyando, tsakatio, tsakinyaxkónyʼin kʼoa tsa tsakʼaonjen jko̱ ya tʼanangi (1 Crónicas 17:16; 2 Crónicas 30:27; Esdras 10:1; Hechos 9:40). Je Niná alikui kʼoatsoná tsa kjaʼaíkjoansʼin kuinyaa kʼianga kʼoétsʼoaa.

JÓTSOSA BIBLIA

• Je Niná nrʼoéle xi nangitokon (Salmo 138:6).

• Koaan kʼoétsʼoaa ninga kjaʼaí kjaʼaí én nokjoaa kʼoa ninga to ni̱ma̱ná kuinchja̱ (2 Crónicas 6:32, 33; Nehemías 2:1-6).