Isʼin sa̱tío kjoajtín je xomana xi fitsʼiani 9 sá marzo

Kjoajnda 40 kao kjoabʼetsʼoa

Nga chotʼaya Biblia

bh kj. 15 párr. 15-20 kao rekuadrole (30 min.)

Skuela xi síchjine choʼndale Niná

Jña koa̱nxkia Biblia: 1 Samuel 1-4 (8 min.)

Núm. 1: Lucas 18:9-17 (3 min. kʼoa tsa choasa)

Núm. 2: Jméni xi ʼmiyalee je chjota xi kjoaxkón bichóne nga ninʼioá kon (jl kj. 18 párr. 4) (5 min.)

Núm. 3: Jósʼin sʼe̱niná kjoachjinele Niná (lv kj. 9 párr. 15, 16 kao rekuadrole p. 109) (5 min.)

Kjoajtín xi tsoyaná josʼin si̱xálee Niná

Xi kuinchja̱ni sá jebi: Kuiyondalee “tojme xáni xi nda” (Tito 3:1).

Kjoajnda 45

10 min. Kuiyondalee “tojme xáni xi nda”. Kjoanokjoaya jebi yaa yʼangini jme xi kuinchja̱ni sá jebi. Tʼexkiai kʼoa tʼinyai jme xi tínchja̱ni Proverbios 21:5, Tito 3:1 kʼoa kao 1 Pedro 3:15. Kʼoasi jósʼin basenkaoná nga nda biyondaa. Tosasa tikʼaxki̱ni jmeni xi chótʼayajiaan sá jebi nga sa̱tío je Kjoajtín xi tsoyaná josʼin si̱xálee Niná kʼoa jósʼin kʼoaxki̱ jmeni xi nʼio kuinchja̱ni sá jebi.

10 min. Chjónangilai je ndsʼee xi kjinele Skuela xi síchjine choʼndale Niná. Jmé xá xi kjinele nga superintendente xi tsʼe Skuela sʼin tíjna. Jósʼin bʼejnanda nga xki̱ xomana nga bándiaa je Skuela. Ánni nga nio tjínnile kjoandosin nga nda koationda je xi bʼakaole faʼa ya skuela. Jósʼin binyakao je ndsʼee nga tongini kotʼayajin jmeni xi kjoaʼa ya kjoajtín.

10 min. “Kuiyondaa nga si̱kjaʼaitsjenyá je Kjoabichile Nainá.” Tinókjoayai kʼoa chjónangikaoni. Takoyai jme xi faʼaitʼa je xo̱n Xá xi nʼia tʼatsʼe Niná xi tsʼe sá marzo nó 2013, pájina 2. Jngo xi jetsoyason katabakóchoya jósʼin skoéyanda je chjota xi kuicho nga sʼe̱jna je Kjoabichile Nainá.

Kjoajnda 8 kao kjoabʼetsʼoa