Jngo sén xi sítaja kjoamakjainná

9:1-7

Tikjaʼaitsjenlai jókisʼe kon Jesús kʼianga tsʼantjaiya kʼoa nga kinrʼoé nga kʼoakitso je Nʼaile nga nda kisʼe kon xi tʼatsʼe. Jebi nʼiojin tsakasenkao nga koanskanni nga kichokjoajinle je kjoañʼai xi jaʼatojin. Sén jebi kʼoajinti nʼio tsakinyakao je Pedro, Santiago kao Juan. Alikui jao kisatio kon nga Jesús jéní je Mesías kʼoa nga nda kisʼin nga je kitjenngile. Kante jaola nó koanskanni, je Pedro tojo jaʼaitsjenjinle je sén xi tsabe kʼoa josʼin kisitaja je kjoamakjainle je én xi tongini kinchja̱ Niná (2Pe 1:16-19).

Ningalani tsín ñá xi tsaʼyaa je sén jebi, tonga tiʼyañá josʼin tíbitjoson. Nichxin xi tiyoaa ndʼaibi, je Jesús je rey sʼin tíjna kʼoa jeme koatexoma i̱ Sonʼnde kʼoa sindachon ijngokʼa (Ap 6:2).

Jósʼin sítaja kjoamakjainli nga tiʼyai josʼin tíbitjoson je én xi tongini kinokjoa.