“Je xi Niná tsakʼékjao . . .”

Je kjoatéxomale Moisés kʼoakitso kʼiatsa jngo chjota xi chjoónle tsjion tjínnele nga jngo xo̱n kʼoenda ya ngixko̱n kjoatéxoma. Jebi tsakinyakao je chjota nga tsín tokjoan kitsjion xínkjín. Tonga kʼianga nichxinle Jesús, je chjotatítjonle relijión kʼoakitso nga koa̱n tsjión xínkjín je chjota ninga totjín totjenni kjoa (nwtsty nota xi tsʼe estudio Mr 10:4: “certificado de despedida”; nwtsty nota xi tsʼe estudio Mr 10:11: “se divorcie de su esposa” kao “comete adulterio contra ella”). Je Jesús kʼoakitso nga je Jeobá tsakʼénda je kjoabixan. Je xi jebixan tojngo yao mani, xi tsonile nga tondiaa koatiokao xínkjín (Mr 10:2-12). Tojosʼin faʼaitʼa je libro xi tsʼe Mateo, tokʼiakjoán nga koa̱n tsjión xínkjín je chjota xi jechixan kʼiatsa jngo xi kasíchajngi (Mt 19:9).

Nichxin xi tiyoaa ndʼaibi, nʼio nkjín chjota xi tsín kʼoasʼin bekon je kjoabixan josʼin tsabekon je Jesús, tosaa tokʼoasʼín jokisʼin je chjota fariseo. Kʼianga jme kjoa sʼele tokjoan tsjion xínkjín, tonga je chjotale Cristo sítjoson je én xi tsjoále xínkjín kʼianga bixan kʼoa bʼénele yaole nga bʼéndajin je kjoa xi sʼele kʼoa fitjenngi je kjoafaʼaitsjen xi tsjoá je Biblia. Kʼianga jechótsenlai je video Je kjoatsjoacha kao kjoaxkóntokon jtín síkatío je familia, chótʼayajin kjoachjonangi jebi:

• 

  Jon xi jechixaon jósʼin koa̱n koanngíntjenngio jmeni xi tso Proverbios 15:1, kʼoa ánni nga nʼio tjínnile kjoandosin nga kʼoasʼiaon.

• Jósʼin koasenkaono jotso Proverbios 19:11 nga tsí nanda kjoa sʼe̱no.

• Kʼiatsa tsín tinda tiyokaoño xíngio, jméni xi koa̱n chjónangilao yaono ʼndele nga kui si̱kjaʼaitsjaon nga kuinjíon xíngio.

• Jósʼin koasenkaono jotso Mateo 7:12 nga ngisa nda kuiyokao xíngio.