Kʼoasʼin ʼyanile xi ñaki chjotatjenngile Cristo nga tsjoake xínkjín: Ali ngʼakonjin maa kʼoa ali tsa ngotjojin nijtinilee yaoná

ÁNNI NGA NʼIO CHJÍNILE: Je Jesús kʼoakitso nga kʼoasʼin jchanile je xi ñaki chjotatjenngile tsa tsjoake koa̱n xínkjín (Jn 13:34, 35). Kʼianga tsjoacha koaan je xíngiaa tojo kisʼin je Cristo tjínnele koa̱nndosinná xi tʼatsʼe kʼoa tsín ngotjo ni̱jtinilee yaoná (1Co 13:5).

JÓSʼIAAN

• Títjonkjoanla si̱kjaʼaitsjenjiaan jñá kanroani je kjoa kʼoa jósʼin kuichomani tsa ngotjo ni̱jtinilee yaoná kʼianga ʼya xi jokatsoná kʼoa tsa tjín xi kasʼín xi tsín kasasénná (Pr 19:11).

• Si̱kjaʼaitsjeen nga chjotajée maa ngatsʼiaa kʼoa nga sakʼoa kui kʼoanʼia kʼoa kui kʼoabixoán jmeni xi skanni kʼoamaná.

• Kjitʼanangi si̱chatʼalee xíngiaa.

KʼIANGA JECHÓTSENLAI JE VIDEO TSJOACHA KATAMAA XÍNGIAA: JE KJOATSJOACHA ALIKUI NGʼAKON KʼOA ALIKUI YAOLE SÍJTILE, CHÓTʼAYAJIN KJOACHJONANGI JEBI:

• Jókisʼin je Daniel kʼianga tjín xi kitsole je Tomás.

• Jmé xi tsakasenkao je Tomás nga tsín tsakjáoti.

• Jósʼin kichomani kʼianga énndʼé kisichjén je Tomás.