Jósʼiaan Nga Ndasa Kʼuínyasoán Katamali josʼin chji carta

ÁNNI NGA NʼIO CHJÍSÍNILE: Je xi títjon xo̱n xi kiskile Pablo je chjota xi ya tsʼe Corinto, yaa maxki̱kao je xi 14 carta kiski kʼianga kisinʼiojin je ndsʼe̱. Kʼianga carta chjiaa ndasʼin bichómani, nga̱ koaan nda chósonnilee jmeni xi kʼuínlee je chjota, kʼoa koaan nkjín kʼa kʼoexkia je xi kuichole carta. Koaan carta si̱chjén nga kʼuínyalee Énle Niná je xíngiaa, xi ʼyaxkoaan kʼoa kao je chjota xi tsín kajiaan kʼianga ʼmiyasoán. Tsakui nichxin ñʼai koa̱nná nga ska̱jin ijngokʼá je chjota xi nda kanrʼoéná kʼoa tsa jeje̱ chjota xi kjin tjío. Tonga, jméni xi kuenta sʼiaan kʼiatsa carta chjílee je chjota xi tsín ʼyaxkoaan.

JÓKOA̱N SʼIAAN:

• 

  Koaan kui én tichjain jokʼuínlai joni tsa ñaki jesoa tichjakoai je chjota, tʼetʼai je jaʼaínli kʼoa jmé xá tinikasénnilai je carta. Kui tichjain je kjoachjonangi xi koa̱nndosinle je chjota kʼoa tikʼaxki̱ página xi tíjnaná ya Internet kʼoa kʼoati koa̱n kui chja̱kaoni tʼatsʼe jngo xo̱n xi nichjén kʼianga ʼmiyalee Biblia je chjota. Kʼianga si̱kasáin je carta, koaan jngo tarjeta de contacto, invitación kʼoa tsa jngo tratado tajnatʼai.

• Kʼianga si̱kasáin je carta, tojngo jao én tichjain ánni nga kʼoexkiasíni je chjota (chótsenlai je carta).

• Kuenta tʼiain nga ndasʼin kachji je carta, nga katamajinle je chjota jmeni xi tso kʼoa nga katatsjoánganʼiole. Ji tʼechjí kʼianga si̱kasáin.