Josʼin koa̱n chjiá carta

• Tʼetʼai jñani tijnani. Tonga tsa tsín meli nga kui kʼoétʼai, kʼoatʼinlai je xi chjotajchínga sʼin tjío tsa koa̱n kui kʼoétʼai jñani tíjna Ndʼia jña chotʼayá. Tonga ALIKUIJIN bʼetʼai je dirección xi tsʼe sucursal.

• Ngisaa nda nga kʼoétʼai je jaʼaínle chjota kʼiatsa ʼyai joʼmi, ánni nga tsín kʼoasʼin sikjaʼaitsjenni nga tjín xi batenai.

• Kuenta tʼiain letra xi si̱chjain kʼoa jñani machjénle punto kʼoa tsa coma. Je xo̱n xi chjítʼai tsje sʼin katamatsen. Kʼiatsa to ndsai chjíni, nda tikjoain je letrali. Ali tsakuijin bʼetʼaxuin xi to énská sʼin koa̱njinle chjota.

Je choa̱ jebi kui tsoya josʼin chji jngo carta. Tonga kʼianga chjílai je chjota xi ya tsʼe jñani ʼmiyasoán, alikui koa̱n nga xki̱ én kʼuíntjenngi josʼin faʼaitʼa choa̱ jebi. Kui kuenta tʼiain jósʼin tjío je chjota, costumbre xi tjínle kʼoa kao josʼin meli nga kuichomani.