Nga nda mangínkoaa yaoná kʼoa nga bakoá kjoaxkóntokon ndasʼin bichómani

Tjínkʼa je xʼinle tichjaa xi batiochjoa nga Énle Niná kotʼaya. Kʼianga nda fikao yaole je tichjaa tsakuini nichxin chan skótʼaya je xʼinle, tonga tochale nkjín nó kuichomani (1Pe 2:21-23; 3:1, 2). Kʼiatsa kui kjoa jebi tibitjatojin, tosi tonda kui kʼoatʼiain jmeni xi ndatjín (Ro 12:21). Ngisaa nda kuichomani nga nda kʼuínkoai yaoli tikʼoajinni tsa jmeni xi sí.

Kuenta tʼiain josʼin síkjaʼaitsjen je xʼinli kʼoa tsa je chjoónli (Flp 2:3, 4). Tijinlai yaoli josʼin síkjaʼaitsjen kʼoa nda titjosuin jmeni xi kjineli. Ngasin nganda tinóʼyalai (Snt 1:19). Tsejta katamai kʼoa kʼoatʼinlai nga tsjoachai. Ningalani likui nanda koakoli kjoaxkóntokon kao kjoatjaocha, tikjaʼaitsjenjin nga je Jeobá nʼio chjí be kʼianga kixi kjimai (1Pe 2:19, 20).

KʼIANGA JECHÓTSENLAI JE VIDEO JE JEOBÁ TSJOÁNÁ NGANʼIO NGA KANÁ JE KJOA XI BITJATOJIAAN, CHÓTʼAYAJIN KJOACHJONANGI JEBI:

• Jmé kjoa xi jaʼatojin je Grace Li kʼianga tochriansʼa chixan.

• Ánni nga kiskotʼayani je Énle Niná.

• Jméni xi tsakasenkao je tichjaa Grace Li nga kiskale je kjoa xi jaʼatojin kʼianga jekisʼenngindá.

• Jméni xi kitsole je Jeobá je tichjaa xi tʼatsʼe je xʼinle.

• Jmé kjoanichikontʼain tísokóle je tichjaa Grace Li nga nda tífikao yaole kʼoa nga tíbakó kjoaxkóntokon.