5-11 SÁ AGOSTO

SALMOS 70-72

Kjoajnda 59 kao kjoabʼetsʼoa | Én xi sʼe̱tsʼiakaoni (1 min.)

ÉN XI NʼIO CHJÍLE XI NYA BIBLIA

1. “Tʼeyanajmílai je xi sʼa xti jokji nganʼio tjínle Niná”

(10 min.)

Je David kʼoakitso nga je Jeobá kisikuinda nga sʼa xti (Sl 71:5; w99-S 1/9 18 párr. 17).

Je David tsabe josʼin tsakasenkao Jeobá nga jekoanjchínga (Sl 71:9; g04-S 8/10 23 párr. 3).

Je David tsakʼéyanajmíle xi sʼa xti josʼin tsakasenkao Jeobá (Sl 71:17, 18; w14-S 15/1 23 párr. 4, 5).

Je ndsʼee xi faʼaitʼa jñani tso “Jósʼiaan nga tsjoa sa̱tío tokoán nga chótʼayajtían Énle Niná ya niʼyaná”. Kʼoakitsole jngo ndsʼee kao chjoónle nga kiskotʼayajtín ya niʼyale kʼoa nda binyáño jmeni xi bʼéyanajmíle ndsʼee jebi.

TIKJAʼAITSJENJIN JEBI: “A tjíokʼa ndsʼee xi jekjoatse nga Jeobá tjíosíxále xi koa̱n kuinchjale ya niʼyana nga tjín xi skonangile nga chotʼayajtínjin”.

2. Kjoásjaiyaa én xi nʼio chjíle xi nya Biblia

(10 min.)

Sl 72:8. Jósʼin kitjoson nga tsakatéxoma Salomón jmeni xi kitsole Jeobá je Abrahán tojo tso ya Génesis 15:18 (it-1-S 883).

A koaan kʼoasí
Jméni xi koansjaino jña koanxkia Biblia xomana jebi.

A koaan kʼoasí

3. Jña koa̱nxkia Biblia

(4 min.) Sl 71:1-24 (th kjoaʼmiya 5)

NDA KOAKOYAA ÉNLE NINÁ

4. Katamali josʼin chja̱kaonajmí chjota

(3 min.) NGA XKI̱ NDʼIA ʼMIYASOÁN. Kʼianga to nchja̱ti je chjota, ngasin nganda tixatʼai (lmd kjoaʼmiya 4 punto 5).

5. Tʼinchón ngindialai

(4 min.) TOJÑANI TITSOMAA. Chja̱kaonajmí ijngokʼai je xíngi xi tsín tso kon nga kotʼaya Biblia (lmd kjoaʼmiya 8 punto 4).

6. Tʼeyanajmí josʼin makjainli

(5 min.) Kjoanokjoaya. ijwfq 49. Xi tínchja̱ni: Ánni nga síkʼantjaiyajin kʼasíni jmeni xi makjainle je testigole Jeobá (th kjoaʼmiya 17).

JONʼIA XI CHJOTALE CRISTO MAA

Kjoajnda 76

7. Jósʼiaan nga chótʼayajtían Énle Niná ya niʼyaná

(15 min.) Kao je jtín chótʼayajin.

Kui tjíokotʼaya jmeni xi jndaa ya jinjtín.

Kui JW Broadcasting tjíokotsenle ndsʼee nga tjíokotʼayajtín.

Kʼianga tjíokotʼayajtín je ndsʼee, je tsoti kao na̱le faʼachoya jmeni xi tjíokotʼaya.

Kʼianga chotʼayajtían ya niʼyaná binyakao je ʼndíxti kʼoa chjí be je kjoafaʼaitsjen xi tsjoáná Jeobá (Ef 6:4). Ningalani ñʼai ma sakʼoaná nga chotʼayá, nda satío tokoán nga tsjoake je ʼndíxti nga kotʼaya je Énle Niná (Jn 6:27; 1Pe 2:2). Tochoa én tichjain nga kʼoasí jmeni xi faʼaitʼa ya recuadro “Jósʼiaan nga chótʼayajtían Énle Niná ya niʼyaná”. Yaa recuadro jebi tsoya jme xi sʼin xi xijchá ma nga skótʼayajtín ya niʼyale. Chjónangi jebi:

Jñánile kjoafaʼaitsjen jebi xi meli si̱chjáin.

A koaan kʼoasí
Jñásanile kjoafaʼaitsjen xi tíbasenkaoli.

A koaan kʼoasí

JÓSʼIAAN NGA CHÓTʼAYAJTÍAN ÉNLE NINÁ YA NIʼYANÁ

JÓSʼIN CHÓTʼAYÁ BIBLIA

Tinóʼyalao je grabaciónle Biblia jñani maxkia nga xki̱ xomana, kʼoa tsa maije̱, jon tʼexkiao. Koaan kjaʼaí kjaʼaí xi kʼoexkia jñani kjaʼaí kjaʼaí xi nchja̱ nga kjimaxkia Biblia.
Tongini tikjaʼaitsjain jme xi chjónangi kʼianga jekoa̱nxkia je Biblia. Koaan tsen tsen kjoásjaiyao. Xijekoa̱n, koaan cho̱bayaño jme xi kjoásjaiyao.
Kʼianga jme xi chjónangi kui tichjaon je libro Textos bíblicos para la vida cristiana nga kjoásjaiyao je texto xi si̱chjaon.
Kʼoatʼianchoyao jokisʼin chjota xi síkʼaxki je Biblia.
Jngó jngó tarjeta tikatíondai nga xki̱ xomana, jngo texto tʼetʼai kʼoa ya chjoénilai ya apéndice A xi tsʼe folleto ʼMiyalee chjota nga̱ tsjoachañá kʼoa tʼejintokon jmé textoni. Chótʼayajin ijngokʼao je tarjeta xi sa jetsakʼendao.
Chótʼayajin choao je libro Koaan nda kuiyoaa.
Kʼoatʼinlao xíngio nga jngo xi katatsoya kʼoa ya katakjoénile xi faʼaitʼa ya jw.org jñani “XI TSOYA BIBLIA” tso ya jñani “Jmeni xi chjonangiaa xi tʼatsʼe Biblia” tso.

CHÓTʼAYAJIAAN JMENI XI FAʼA NGA SATÍONÁ KJOAJTÍN

Chótʼaya choao jmeni xi faʼa nga satíoná kjoajtín.
Tikatíondao comentariono, nkjín kʼa chótʼayao kʼoa kuenta tʼiaon jókji tse nokjoao.
Chótʼayao je kjoajnda xi jndaa.
Tikjaʼaitsjenjion jósʼin kʼoainganʼiolao je ndsʼee.
Chótʼayao tsa jme xi bʼakaono kuitjáo nga satíoná kjoajtín nga jinle xomana.

NGA ʼMIYASOÁN

Chótʼayao jósʼin kʼuínyason nga xki̱ ndʼia xki̱ ndʼia.
Chótʼayajion jókʼuínlao nga koanngínchon ijngokʼalao je chjota.
Tikjaʼaitsjaon jókʼuínlao je chjota kʼiatsa tosa̱téjion kʼoa chótʼayao jokuixon.
Cho̱bayaño jméni xi sʼiaon nga ngisasa tse kʼuínyason nga faʼaitsjenya Kjoabiyale Cristo kʼoa tsa kʼiaje̱ nga vacación sʼeno.

JOSʼIN KUISENKOAI JE FAMILIALI

Tongini tikjaʼaitsjain jméni xi sʼiain tsa totsejinni kjoa kjoaʼatojin je familiali. Jolani, kʼiatsa chótʼayakao kjoamakjainle, tsa ʼya xi totaon skoe̱ je xtili, tsa tjín xi kjoakao je xtili kʼoa tsakui tʼatsʼe sʼuí xi bitjo.
Kʼoatʼinlao je xtino nga katabásjaiya jmeni xi chótʼayao. Xijekoa̱n, cho̱bayaño kao xtino jme xi kabásjaiya.

JMÉSANI XI KOA̱N SʼIAON

Chótsenlao JW Broadcasting^® kʼoa cho̱bayaño jmeni xi kamajinno.
Tʼexkiao xi faʼaitʼa ya jw.org, kʼoa tsa maije̱ jngo video chótsenlao kʼoa cho̱bayaño.
Tjasjao ya jw.org jñani “XI TSOYA BIBLIA” tso kʼoa chótʼayajion jñani “Xti” tso kʼoa tsa maije̱ jñani “xtiʼndí” tso.
Chótʼayajion jmeni xi tsakʼetʼaxoon nga tsangíon kjoajtíntse.
Chótsenlao jme xi kisinda Jeobá kʼoa cho̱bayaño jméni xi bakóyano xi tʼatsʼe.
Sakʼoa tinókjoalao jngo ndsʼee kʼoa tsa jngo tichjaa kʼoa chjónangilao jósʼin tjíosíxále Jeobá.
Tʼendajion josʼin si̱xálao Niná kʼoa tikjaʼaitsjaon jméni xi sʼiaon nga kuitjosonno.
Kʼoakji xi tindao jokisʼe je arcale Noé kʼoa tsa maije̱ chótʼayajion je mapa xi faʼaitʼa ya Biblia kao xo̱n xi síkasénná naxinandále Niná.

Takui je VIDEO Jósʼiaan nga ngisa ndasʼin chótʼayajtían Énle Niná ya niʼyaná. Xijekoa̱n, chjónangi jebi:

Jósʼin je xi xʼin nga tsjoa katasʼe kon je chjoónle nga skótʼayajtín Énle Niná ya niʼyale.

A koaan kʼoasí

8. Nga chotʼaya Biblia

(30 min.) bt kjoaʼmiya 13 párr. 17-24