A fikakóyason je testigole Jeobá jñani kjin

Jaon. Ngatsʼijin xi testigole Jeobá maijin, tojñani nga tinijcháijin yaonajin, bʼenelaijin yaonajin nga ʼmiyasuinjin je Énle Niná tojñani (Mateo 28:19, 20).

Xi ijngosani, tjínkʼa je testigole Jeobá xi ya fikakóyason kʼoa tsa ya fikatio ya ʼnde jñani nʼio nkjín chjota xi kje nrʼoéjin je Énle Niná, xi tiyani naxinandále. Kʼoa tjínkʼa xi ya fikatio jñani xin naxinandá. Ngatsʼi ñaki kao kjoatsjoa tjíotsjoánganʼio nga tíbitjoson jmeni xi tongini kitso je Jesús, kʼianga kitso: “Jon koa̱on testigona [...] jña saʼnda nga fetʼa sonʼnde” (Hechos 1:8).

Nga nó 1943, kʼiaa kitsʼiani nga kisʼejna jngo skuela jñani nichjine kʼa je xi misionero sʼin tjíosíxá kʼoa je skuela jebi Skuela xi tsʼe Galaad ʼmi. Saʼnda nichxin xi tiyoaa ndʼaibi, jetsʼato jin jmi testigole Jeobá jeki skuela jebi.