A tjío yánchjín xi bakóya xi testigole Jeobá ma

Jaon. Bakoyasonníjin ngatsʼijin xi testigole Jeobá maijin kʼoa miyón mani xi yánchjín. Kʼoa je Biblia i tso xi tʼatsʼe: “Je yánchjín xi nchja̱ni je énnda chjotse ñaki jo chjotakjoajchán chon” (Salmo 68:11).

Je yánchjín xi testigole Jeobá ma kui fitjenngi je choa̱le yánchjín xi kixi kitʼale Niná xi síkʼaxki̱ ya Biblia (Proverbios 31:10-​31). Ninga tsín xá bʼaile ya jinjtín, tonga ñaki kao kjoatsjoa tsoyason kʼoa kʼoati bakóyale je ʼndíxtile je kjoatéxomale Niná (Proverbios 1:8). Xi ijngosani, nga nda fikao yaole kʼoa nga nda tso én xi nchja̱ nʼio binyakao je xi ngikʼa (Tito 2:​3-5).