Kjoaʼmiya 15

Kuinyakoa xíngia nga kʼoakatasʼín josʼin mele Niná

Ánni nga tjínnesínili kuinokjoani jmeni xi je kjimali (1)

ʼYáni xi koan kʼuinyalai je énnda chjotse (2)

Jósʼin koasenkao xi kjaʼai josʼin kʼuinkoai yaoli (2)

Kʼiáni nga koan je kʼuinyasuin kao jtín jña ʼmi  (3)

1. Nʼio tse xi ndatjín je kjimali xi tʼatsʼe Biblia. Kjoankjintokon jebi kui xi tjínnenile koasenkaoli tsakai nga sikʼantjaiyai yaoli kʼianga chjota tjenngile Cristo katamai (Efesios 4:22-24). Xi ijngosani, kjoankjintokon jebi nʼio machjén nga koan kʼoaili kjoabijnachon xi tsínkʼia fetʼa (Juan 17:3). Tonga xi kjaʼai kʼoati tjínnele nga kjuinrʼoé énnda chjotse ánni nga koan kuitjontjaisíni. Xi ñaki chjota tjenngile Cristo tjínnele nga kuitsoyason. Kʼoasʼin bʼene Niná (Romanos 10:10; 1 Corintios 9:16; 1 Timoteo 4:16).

2. Koan kʼuinyalai jé chjota xi ʼyaxkuin jmeni xi ndatjín je kjimali. Kʼoatʼinlai xíngi, miyoli, xi ñatjen titomjai skuela kʼoa kao xi ñatjen nixái. Kao kjoandʼetokon kʼoa kao kjoatsejta tʼinyalai (2 Timoteo 2:24, 25). Tikjaʼaitsjain nga kui ngisa kotsenle chjota jonʼia tikʼoajinni jobixoán. Kuinga, tsa nda kʼuinkoai yaoli kui koasenkao xi kjaʼai nga kjuinrʼoéli nga kʼuinkajnalai Énle Niná (Mateo 5:16; 1 Pedro 3:1, 2, 16).

3. Xi koanni, tochan kuichotjenngi jmeni xi machjén nga koan kʼuinyasuin kao je jtín jña ʼmi xi tsʼe testigole Jeobá. Kao kui jebi koakóni nga kjimatajakoai Énle Niná (Mateo 24:14). ¡Nʼiojin naskánatjín tsa koan kuisenkoai chjota nga choʼndale Jeobá katama kʼoa katasʼele kjoabijnachon xi tsínkʼia fetʼa! (1 Tesalonicenses 2:19, 20).