Ngisa kʼoailee kjoandosin nga estudio kʼoétsʼiakoaa kʼianga xoto nga tífitsʼia sá

Kitsʼiakjoanni sá mayo nó 2011, kʼoatsakʼinná nga kʼoénelee yaoná nga estudio kʼoétsʼiakoaa nga xoto kʼianga sʼa fitsʼia jngo sá. Kʼoa xi nʼio basenkaoná xi tʼatsʼe xá jebi kui je Xo̱n xi Bájinkonná, ya jñani i̱ tso: “Jmeni xi chjonangiaa xi tʼatsʼe Biblia”. Kuinga machjénsíni nga kʼia sa̱kóya jebi kʼianga bitjokʼinyasoán je xoto nga tosʼa fitsʼia je sá, kʼoa jngo choa̱ katasakóchoya jmeni xi koa̱n sʼiaan.

Jé xi chjotajchínga sʼin tjío xi kuitsoni tsa tojngo koa̱nxkó ngatsʼi grupo kʼianga kuitjotsoyason nga xoto nga tosʼa tífitsʼia je sá kʼoa jñani koa̱nxkóni, jolani tsa ya Ndʼia jña chotʼayá. Tonga tsa nkjín mani je jtín xi ya maxkó, nijngojinla xi koa̱n sikʼantjaiya je nichxin xi xá tjoéjinni nga estudio sʼetsʼiakao tsa tokuini nga ya ñatje̱n kuitjoni ngatsʼi grupole ya Ndʼia jña chotʼayá.