Kʼianga nda koakoyaa tjínnele tongini kuiyondaa

Jao kʼala nga kui kichjonangile Jesús xi tʼatsʼe je kjoabijnachon xi ngantsjai. Tonga josʼin tsakjákao je chjota xi kiskonangile kui kuenta kisʼin jmeni xi machjénle nga skoe̱ nga jngó jngó (Luc. 10:25-28; 18:18-20). Kʼoatisʼinni tsanda ñá, ninga jenda machoyaná jmeni xi koakoyalee je chjota xi ʼmiyalee, tjínnele tongini kuiyondaa kʼoa kui kuenta sʼiaan jmeni xi machjénle nga skoe̱. Tobʼelañá, jméni xi tsín majinle kʼoa tsa ñʼai male nga makjainle. Jñánile testo xi faʼaitʼa ya párrafo xi tjínnele kʼoéxkiaa kʼianga kʼuínyalee. Jótjín párrafo koakoyalee. Kʼianga koa̱njinle je kjoaʼmiya xi tichotʼayá, tsakui nichxin machjén nga tongini si̱kjaʼaitsjeen je choa̱ xi si̱kʼéjnalee, josʼin koakoyalee xi ñʼai koa̱nle kʼoa tsa tongini koationda kʼaa kjoachjonangi xi koatiolee. Tonga kuenta sʼiaan nga jé Jeobá xosʼín nga mantjejin ya ni̱ma̱le chjota je Énle. Kuinga machjénsíni nga si̱jélee Jeobá nga katasíchikontʼain je chjota xi ʼmiyalee, kʼoa nga kʼoati katasíchikontʼainná josʼin tongini biyondaa kʼoa josʼin bʼenelee yaoná nga binyakoaa (1 Cor. 3:6; Sant. 1:5).