Tosi tonda tikjaʼaitsjaon jebi

Ya Filipenses 4:8 itso: “Tikjaʼaitsjaon tʼatsʼe je ngayije xi kjoakixi, ngayije xi ñaki kʼoatjín, ngayije xi tjínle kjoakixi, ngayije xi tsje tjín, ngayije xi naská tjín, ngayije xi nda tíʼyale, tojñanile xi tjínle kjoanda, tojñanile xi tjínle kjoanʼosjenda”. Jebi alikui xi tsonile nga tokui si̱kjaʼaitsjen ʼndee jmeni xi tso je Biblia. Tonga machjén nga si̱kjaʼaitsjenjiaan jmeni xi sasénle je Jeobá je xi koasenkaoná nga tosi tonda kixi kjuintʼalee (Sl 19:14).

Alikui choa ñʼai maná nga kui nikjaʼaitsjeen je xi ndatjín. Nga̱ kui tibixkantʼakoaa “je niná xi tsʼe sonʼndebi” je Na̱i, kʼoa kao nga chjotajée maa (2Co 4:4). Kʼianga je Na̱i kjinentsja jmeni xi faʼa ya televisión, ya radio, ya Internet kʼoa kao je revista xi basje je chjota xi kontra tjíole kjoatéxomale Niná, sikitsónjinjin kjoafaʼaitsjenná kʼiatsa tsín koa̱nná chjoéjiaan je xi kuinyaa jkoaa, kʼoa xijekoa̱n, chanjin tsín tinda kjuinkaoñá yaoná (Snt 1:14, 15).

KʼIANGA JECHÓTSENLAI JE VIDEO CHJA̱ʼAXINLEE YAONÁ JME XI TSÍN TSJOÁʼNDENÁ NGA KIXI KJUINTʼALEE JEOBÁ: KʼIANGA KUI BʼETSAOJINKOAA JMENI XI TSÍN NDATJÍN, CHÓTʼAYAJIN KJOACHJONANGI JEBI:

• 

  Jméni xi kiskotsenle je ndsʼee ya teléfonole kʼoa jósʼin kisikiʼaon.

• 

  Jósʼin tsakasenkao jmeni xi tso Gálatas 6:7, 8 kʼoa kao Salmo 119:37.