Si̱chjén video jebi nga kʼuínyalee Biblia chjota

Ño video tjíoná xi kui tsoya josʼin ʼmiyalee Biblia chjota. Jmé xá kisʼendani nga jngó jngó video kʼoa jósʼin si̱chjén nga kʼuínyasoán.

• 

  Ánni nga machjénsíni nga chótʼayá je Biblia (xi tíjnayeje). Kui xá kisʼendani video jebi nga koa̱nmele chjota skótʼaya Biblia, tojme religión xi tíjnajin. Kui tsoya nga ya Biblia faʼaitʼa jmeni xi chjonangiaa, kʼoati jngo choa̱ bakó nga ñaki kʼoatjín jmeni xi tso je Biblia. Nga tojeme tífetʼa je video kʼoatso josʼin tjínnele sijé chjota nga Biblia kataʼmiyale.

• 

  Ánni nga chótʼayasíñá je Biblia (video xi tochoa tíjna). Video jebi me tikʼoatsoni jotso je video xi tíjnayeje, tonga nga ngisa choatse faʼa, ngisaa nda machjén nga je bakolee chjota xi kʼoatso nga tsín nanda ale.

• 

  Jósʼin ʼmiyalaijin Biblia je chjota. Kui xá kisʼendani video jebi nga skoe̱ chjota josʼin ʼmiyaa Biblia kʼoa tsoya jósʼin koa̱n sa̱kóyale, jolani jósʼin sijé nga kataʼmiyale Biblia.

• 

  Josʼin chótʼayai je Biblia. Video jebi jé sakóle chjota xi jetjíokotʼaya Biblia. Ningalani ya faʼaitʼa títjon video jebi ya página 2 xi tsʼe libro Koaan nda kuiyoaa, kʼoati koa̱n sa̱kóle je chjota kʼiatsa kui folleto tíkotʼaya. Video jebi kui tsoya jmeni xi tínchja̱ni ngakjijngo libro kʼoa kʼoati tso josʼin kʼuínyale je chjota.

Ningalani tsen tjín jme xá kisʼendani nga jngó jngó video, koa̱n koakolee je chjota tokʼiani nga bele tokoán. Chótʼayajiaan nga jngó jngó video jebi kʼoa si̱chjén nga ʼmiyasoán.