Tsa kuinyakoaa xi kjaʼaí koasenkaoná nga tsín ba sʼe̱ tokoán | Jótso je Biblia

Nʼio nkjín chjota xi ba tjío kon kʼoa xi tsínle miyo. Tonga je chjinexki kʼoatso nga je xi kuinyakao chjota jebi nga nda sa̱tío kon kuinga kuinyakao xi kjaʼaí.

• “Tsa kuinyakoaa je xi nganʼio machjénle nda sa̱tío tokoán kʼoa koasenkaoná nga sʼe̱ná miyo” (Institutos Nacionales de la Salud, de Estados Unidos).

Je Biblia kʼoatso jmeni xi koa̱n sʼiaan nga kuinyakoaa xi kjaʼaí. Tsa kʼoasʼiaan koasenkaoná nga tsín ba sʼe̱ tokoán.

Xi koa̱n sʼiain

Chʼa̱sjeʼalai nichxin xi kjaʼaí kʼoa tʼailai jme xi tjínli. Chja̱kaonajmí xi kjaʼaí kʼoa ñaki tʼinchónlai. Kʼia tsa kʼoasʼiain tsjoa sʼe̱ kon kʼoa koa̱nmiyoní.

• Texto xi tsʼe Biblia: “Tʼao, kʼoa kʼoaino” (Lucas 6:38).

Tisenkoai xi kjaʼaí. Tjasjailai jme xi sʼiain nga kuisenkoai je xi kjoa tjíofaʼatojin. Ngasin nganda tinóʼyalai jme xi kuitso, kʼoa tsa mai chjónangilai jósʼin koa̱n kuisenkoai.

• Texto xi tsʼe Biblia: “Jngo xi ñaki miyo tsjoakená tokʼiani” (Proverbios 17:17).

Tsa mesali jchai jme xi koasenkaoli nga sʼe̱li miyo, tʼexkiai jñani tso: “La familia y los amigos”.