Je xo̱n jebi kui xá bitjoni nga katabitjoson xá xi kjima jngo tjíjtsa Sonʼnde nga tíʼmiyale Biblia chjota. Kʼoa je tao̱n xi machjén kui xi tsjoá chjota jotjín nroajin ni̱ma̱le. Likui ma saténa.

Tsa meli kʼoainganʼiui, titjásʼain ya www.jw.org.

Kʼianga kui én faʼaitʼa xi tsʼe Escrituras Hebreoarameas je xo̱n jebi yaa kitjoeni je Biblia Traducción del Nuevo Mundo de las Santas Escrituras (con referencias), NM. Kʼoa nga kui faʼaitʼa xi tsʼe Escrituras Griegas Cristianas yaa kitjoeni Nuevo Testamento en mazateco de Huautla de Jiménez, Oax. Kʼoakisʼe josʼin chji ndʼaibi.

Impresión de junio de 2016

Mazatec (Huautla) (ll-MAZ)

© 2011 WATCH TOWER BIBLE AND TRACT SOCIETY OF PENNSYLVANIA

Je Nʼainá xi tíjna ngʼajmi nʼio tsjoakená (1 Pedro 5:6, 7)

Jé kisindaná kʼoa jé tísíkuindaná. Tojosʼín jngo nʼai xi tjínle kjoafaʼaitsjen kʼoa xi tsjoake ʼndíxtile nga kui ndiaa xi nda mjénle, je Niná kʼoatisʼin tsoyale je chjota josʼin nga nda koatio.

Nʼio chjíle jmeni xi bakóyaná Niná, tsjoa bʼé tokoán kʼoa tse kjoachoya tsjoáná.

Kʼiatsa ñá xi kuinóʼyalee je Niná, jé koandiaaná, jé sikuindaná kʼoa jé koasenkaoná kʼianga ska̱ná je kjoa xi kuitjátojiaan.

Xi ijngosani, tsjoáná kjoabijnachon xi tsínkʼia fetʼa.

I títsoná je Niná: “Nroachonnáo. Tinóʼyao, kʼoa kuiyochonño” (Isaías 55:3)