Yo joji na joo ko e Mizhokjimi ra mimiji kja ne xoñijomꞹ kʼꞹ me rga zøø

Xorꞹ 5

Yo joji na joo ko e Mizhokjimi ra mimiji kja ne xoñijomꞹ kʼꞹ me rga zøø

Kja ne xoñijomꞹ kʼꞹ me rga zøø dya kja ra minkʼoji nzakja ri minkʼoji dya. E Mizhokjimi dya mi nee kʼe ro bʼꞹbʼꞹ kja ne xoñijomꞹ na punkjꞹ nrrumꞹ, ni kjo kʼo ro mama ja na ꞹꞹ. Axojñi angeze ra tsjaa ne xoñijomꞹ me rga zøø ¿pje kʼo ra bʼꞹbʼꞹ nu? Ra nuji pje mama ne Biblia.

Yo ntee kʼꞹ na jonte. Yo joji na joo ko e Mizhokjimi ra minji kja ne xoñijomꞹ kʼꞹ me rga zøø. Angezeji rga mbosʼꞹji in dyojui, y ra minji kʼua jaga nee e Jehová (Proverbios 2:21).

Ra pɇsʼiji na punkjꞹ pje ra siji. Kja ne xoñijomꞹ kʼꞹ me rga zøø, dya kja kjo ra kjogꞹ trjijmi. Ne Biblia mama: «Dya kja ra sʼantrʼaji» (Apocalipsis 7:16).

Soo ri jyⱥbʼⱥ ngumꞹ kʼꞹ na joo y ne bʼepji kʼꞹ me gi nee, ri soo ri tsjaa. Kja ne xoñijomꞹ kʼꞹ me rga zøø, texe yo pjamilia ra jyⱥbʼⱥji in nzumꞹji, ñe texe yo ntee ra pɇsʼiji bʼepji me ra mⱥjⱥji ma ra pepji (Isaías 65:21-23).

Texe kja ne xoñijomꞹ dya kja kjo ra tsjaa chu̱u̱. Dya kja ra kjaji chu̱u̱ yo país akjanu dya kja kjo ra nrru̱u̱, nzakja ma kjaji chu̱u̱ yo país. Nu jñaa e Mizhokjimi mama: «[E Mizhokjimi] ra kjuatꞹ yo chu̱u̱ kʼꞹ kjaji kja ne xoñijomꞹ» (Salmo 46:8, 9).

Dya kja ra bʼꞹbʼꞹ nrrotkʼijeme. Ne Biblia mama: «Dya kja kjo ra mama [kja ne xoñijomꞹ kʼꞹ me rga zøø]: “ri sodyego”» (Isaías 33:24). Yo dya soo ra nzhodʼꞹ ra nzhodʼꞹ, yo dya soo ra ñaa ra ñaa, yo dya soo ra ⱥrⱥ ra dyⱥrⱥ ñe yo dya soo ra jñanrra ra jñanrra (Isaías 35:5, 6).

Dya kja ra bʼꞹbʼꞹ nrrumꞹ, dya kja kjo ra nrru̱u̱ ni kjo kʼo ra mama ja na ꞹꞹ. Nu jñaa e Mizhokjimi mama: «Dya kja ra tꞹji. Dya kja pje xe ra mbeñeji. Dya kja xo ra gueji. Dya kja xo ra zoji kʼꞹ rra ꞹꞹ. Na ngeje texe kja ne xoñijomꞹ, dya kja ra supjridoji. Ya nde dʼadyo texe, je ba xitsʼi akjakʼua kʼe jñaa» (Apocalipsis 21:4).

Dya kja ra bʼꞹbʼꞹ yo ntee kʼꞹ na sʼonte. E Jehová mama: «Kʼo kjaa na sʼoo, zo dya be ba sⱥjⱥ kʼe paa ma ra jñunpꞹji nguenda, pero ya mama Mizhokjimi ra kastigao kʼo» (2 Pedro 2:9).

Yo ntee ra sʼiyaji ñe ra mimiji na joo kʼo in minteji. Dya kja kjo ra tsjapkʼoji kʼꞹ ra kjaji kʼo ixta soji kʼꞹ na jyꞹꞹ, dya kja kjo ra ungꞹgoji, dya kja ra bʼꞹbʼꞹ ntee kʼꞹ ra nee kʼo pɇsʼi nu minte. Texe yo ntee ra mimiji na joo, kʼua jaga nee e Mizhokjimi (Isaías 26:9).