Xorꞹ 15

Yo ntee kʼꞹ joji na joo ko e Mizhokjimi kjaji kʼo na joo

Ma bʼꞹbʼꞹ na ntee kʼꞹ gi jobi na joo, ma texe kʼo ga tsjaa me na joo ixti kjentrjoge kʼua, gi respetao, gi nee ri tsjaa kʼua janzi ga tsjaa angeze. Ne Biblia mama: «Nutsʼkʼe Mizhokjimi [...] na joo texe yo in kjage, ñe na kjuana» (Apocalipsis 15:3). Ma ri nee ra joji na joo ko e Mizhokjimi ra kjaji kʼo na joo. Ne Biblia mama: «O tʼitsʼꞹji Mizhokjimi dya. Mizhokjimi me sʼiyatsʼꞹji. Ngekʼua, nudya xo ri sʼiyageji dya yo nin minteji. Ri sʼiyaji rgi nzhodʼꞹji» (Efesios 5:1, 2). Mo ra nuji pje mamaba ngekʼua ra kjaji kʼua janzi ga tsjaa e Jehová:

Ra pjosʼꞹ yo dyaja ntee. «Ni jyodʼꞹ ra pjosʼꞹji texe yo nin mintegoji.» (Gálatas 6:10.)

Ra pepjiji na joo. «Nuʼma in mbe̱ʼge, ri jiezige kʼo, dya kja ri ponꞹ. Nu kʼꞹ ri tsjaa, ri pepji na joo.» (Efesios 4:28.)

Ra xaji, ra xaʼma in nzumꞹji ñe dya kja ra kjaji kʼo na sʼoo. «Ni jyodʼꞹ ra xo̱gꞹji texe kjaa kʼo na sʼoo, ngekʼua ra ndintsʼkʼigoji kʼo. Na ngeje ma ra kjaji kʼo na sʼoo, ra sodʼꞹ in kuerpogoji ñe in mꞹbʼꞹji. Ni jyodʼꞹ ra kjaji kʼua janzi ga nee Mizhokjimi, y ngextrjo angeze ra su̱goji.» (2 Corintios 7:1.)

Ra sʼiyaji ñe ra respetao yo ntee kʼo bʼꞹbʼꞹ kja in nzumꞹji. «Nutsʼkʼeji kjuarma ya in chjꞹntꞹji, ni jyodʼꞹ ri sʼiyageji kʼꞹ in sugeji kʼua ja xo gi sʼiyatsjeji. Xo ñetsʼkʼeji in nrrinxuji, ni jyodʼꞹ nzi najatsʼꞹji ri respetaoji kʼꞹ in xirageji. Nutsʼkʼeji in tʼiji, ni jyodʼꞹ ri dyⱥtⱥji nin tataji ñejni mamaji.» (Efesios 5:33–6:1.)

Ra sʼiyaji texe yo ntee. «Ni jyodʼꞹ ra potꞹ rga sʼiyaji, na nge Mizhokjimi sʼiyazꞹji y dakʼꞹji kʼꞹ rga sʼiyaji yo nin minteji.» (1 Juan 4:7.)

Ra dyⱥtⱥji nu kʼo manda kja yo país. «Ni jyodʼꞹ ri dyⱥtⱥji [nu kʼo manda kja yo país] [...]. Tsjotrʼꞹji texe kʼo in tu̱ji. Kʼꞹ in tumpꞹji pjaina ri tsjaji.» (Romanos 13:1, 7.)