Atotsi mimbi tantiate icpec ue dapa chiaid?

Icsambocquid tedi Sheoban nainpanëdash adoshombic Noe aton matsesbëta bedpanëdash. Enesis 7:11, 12, 23

40 badiad, 40 inchësh iquec ue sequepanëdash nidaid acte ëquëducquio icpanëdash. Matses icsambo icbued tedi uënëscuededpanëdash.

Mayan icsabo aton dada matses icbuedo nianec aucbidi mayan yadec abuc nidannecpanëdash.

Cano dapan ëquëduc icbueduidtsëqui abi icpanëdash. Abimbo caic iuectanquiec Noe aton matses quec uënëscuededpanëdash. Sheoban aucbidi aido bëpec iuecquio tabadtequid icnuc.

Noe icnuc naboc paden Sheoban icsambocquid nainendac bëdambo icquid bedquin. Mateo 24:37-39

Nëbi Satanasën, mayan icsabon matses mua uapec.

Sheoba bëdambocquid nec, nuqui nashunte bunquid. Adicnubic nëbi matsesbo Sheoba tantiate bunenquio iquec Noe icnuc niondacpadenbidi. Iuecpactsëcshun Sheoban aido icsamboquid tedi nainendac. — 2 Petedo 2:5, 6.

Adicnubic Sheoba chuibanquido Noe padquiec icte bunec aidon Nuquin Papan chiaidquio tantiec.