Tsuda Esus nepanëdash?

Sheoban Esus nidaidën chomepanëdash. 1 Uan 4:9

Sheoba cuishoncamete bunquin utsi matses bëdambocquid tsenbidi tantia. Bëuic bedanquin abucshun Sheoban mayan bëda nadatiambocquid nacnenpanëdash Adan Ebabëta nacnennun.

Iuectanquin Sheoban nëid mayan bëda chomepanëdash nidaidën. Maria quequim cuënaidën dadan inacmaidën aid bacuë tishpanëdash Beden yacnoshun. Aidën cuëmëdaid Esus. — Uan 6:38.

Esus dada bëdambocquid nepanëdash, Sheoba bimbuec icquid. Sheoba bimbuec icquim matses bëdambuen ispanëdash. Esus bëdambo icquid nepanëdash. Adicnuc matsesbo aidën dayun icte bunpanëdash. Dacuëdenquiocquin Esusën Amë chuipanëdash.

Bëdambuen Esusën nabanpanëdash matsesën cheshënaqui. 1 Petedo 2:21-24

Matsesbon Nuquin Papa tantianu quequidon Esus cheshënpanëdash icsambuen chuibanec quequin.

Esusën nënquido bëdanmequin, uënësaido incuenmequin capanëdash.

Matsesën muaquin chuibanquidon Esus cheshënpanëdash, Esusën abimbo chuiquin matsesbo chuibansho. Aid matsesbon Doma yacnocquidon muaquin chuipanëdash. Aden chiac Doma yacnocquidon cuesunnepanëdash Esus.