Mitsipaden Esus uënësaidën mibi nashunpec?

Esus uënësnëdaidën nuqui ënëdenquio tabadtequid iquendac. Uan 3:16

3ted ushtanquin Esus uënësacno chidobon ispanëdash adsho isac Esus nibëdquio icpanëdash. Aucbidi Sheoban incuenmepanëdash.

Iuecpactsëctanec Esus abi tantiaquido yacno chopanëdash.

Uincuentanec matses biecpenquio Esus icpanëdash. Mayan bëda yadpanëdash, isadenquiocquid, nadatiambocquid. Aid padpidec uënësenquio iquec. Abi tantiaquidon abuc nidsho ispanëdash.

Sheoban Esus incuenmetanquin aton chuiquid icmeposh. Mateo 28:18

Matses tantiaquin Esusën aton dada menepampic. Esus abided cuidadpanëdash matses uënësmenquio icnuec. (Mateo 20:28) Aden nashun Sheoban nuqui ënëdenquio tabadmendac.

Sheoban chuiquid tapa Esus icmeposh nidaidën chuitequid icnuc. Adembidi Sheoban 144midted icmeposh Esusbëd abuc ictequid icnuc. Aidon abucshun Esusbëtan bëdambuen nidaid nabanpec. Nëid Nuquin Papa chuiquid tapa nec.— Esusën Uan ismiaid 14:1-3.

Nuquin Papa chuiquid tapan bëdambuen nidaid uaindac. Cuesnan-cuesnantequid nibëdnuc, buntequid nibëdnuc, matsesbo cuishonquetequid iquec. — 2 Petedo 3:13.