Bilika
Bilika bibakalingi baka-Kristu
Cilika muka cibanapande kulinga baka-Kristu?
Banu ba Njambi bakalikungulwila hamo mangana balemese Njambi
Det 31:12; Heb 10:24, 25
Myanja ya mu Mbimbiliya ije yasa kumikwasa:
2Ko 30:1, 6, 13, 14, 18-27—Mwene Hezekiya wabwahesele cilika ca Paseka ca kulitila
Bilika kubesi kulinga baka-Kristu
Mwafwa bika baka-Kristu kubapandele kulikobelesa mu bilika binakundama ku bulombelo bwa makuli?
1Kr 10:21; 2Kr 6:14-18; Efe 5:10, 11
Taleni lalo ñanda ya mutwe wa “Kulikwatasana na Bulombelo bwa Kuliseza-seza mu Kulemesa” Njambi
Myanja ya mu Mbimbiliya ije yasa kumikwasa:
Ekz 32:1-10—Yehova walubalele manene omwo balsalele bapangesele kamponya mu kumulemesa
Num 25:1-9—Yehova wanene balsalele kashitiko mwafwa balikobelesele mu bilika bya bulombelo bwa makuli na kulinga bupangala
Kuma baka-Kristu banapande kulinga cilika ca Krismasi ndi?
Myanja ya mu Mbimbiliya ije yasa kumikwasa:
Luk 2:1-5—Yesu wasemukile ha simbu ije baloma bashikile ngwabo banu balisonekese. Baloma kubasele kusindiya baJuda baje bapwile baka-kutengulukila ngwabo bende bungenzi bwabulaha ha simbu ya ndombo, co lalo oku te kutonola
Luk 2:8, 12—Yesu mwasemukile, tunyungi bakele na kunyunga bimanga babo mu shwata ha simbu ya butsiki, co kubasele kulinga ngoco ha simbu ya cisika oku kuli nyonzi
Kuma baka-Kristu banapande kulinga cilika ca kwanuka litangwa lya kusemuka kwa munu ndi?
Myanja ya mu Mbimbiliya ije yasa kumikwasa:
Ge 40:20-22—Falo uje kakele na kulemesa Njambi wa busunga walingile cilika ca kwanuka litangwa lya kusemuka kwendi, co ha litangwa lije watsiile munu
Mate 14:6-11—Mwene Heloda uje wazindile baka-kukabangeya Kristu watsiile Iwano Muka-kumbwitika mwalingile cilika ca kwanuka litangwa lya kusemuka kwendi
Bilika bije binemana ha Lishiko lya Mosesa
Kuma baka-Kristu banapande kukabangeya byuma bibanendeka mu Lishiko lya Mosesa bije binambateselela na bilika bya kuliseza-seza ndi?
Taleni lalo Gal 4:4, 5, 9-11; Heb 8:7-13; 9:1-3, 9, 10, 24
Kuma baka-Kristu banapande kunyunga Sabata calumingo na calumingo ndi?
Taleni lalo Ekz 31:16, 17
Bilika bya lifuti
Kuma baka-Kristu banapande kulikobelesa mu bilika biinabwahesa fulumende mwafwa ya byuma biinalingi nambe bilinalingi lifuti ndi?
Taleni lalo ñanda ya mutwe wa “Bifulumende,” ha mutwe waundondo wendeka ngwawo “Baka-Kristu Kubesi Kulikobelesa mu Byuma bya Kaye”
Kuma baka-Kristu banapande kulikobelesa mu bilika bya kwanuka binzita bilinalu lifuti ndi?
Taleni lalo ñanda ya mutwe wa “Bifulumende,” ha mutwe waundondo wendeka ngwawo “Baka-Kristu Kubesi Kulikobelesa mu Byuma bya Kaye” na ñanda ya “Binzita”
Kuma baka-Kristu banapande kulikobelesa mu bilika bije byana banu kasingimiko na bumpau bwanapande kutambula Yehova ndi?
Myanja ya mu Mbimbiliya ije yasa kumikwasa:
Bil 12:21-23—Njambi wanene Mwene Heloda Agripa I kashitiko mwafwa ya kutambula bumpau ku banu buje bubapandele lika kwana kuli Njambi
Bil 14:11-15—Kapositolo Banabasi na kapositolo Paulu babyanene kubalemesa
Kujo 22:8, 9—Kangelo ka Yehova wabyanene kumulemesa