Kulikehesa

Cinangulo: “Pweni ba kulikehesa na kumona bakweni ngweni banamitubakana.”—Flp 2:3.

Bika Byalingile Paulu?

Kapositolo Paulu banamukutilila na malyenge kuli muka-kunyunga, co ali na kwendeka na Mwene Agripa, Ngubulu Festasi na Benisi mu kasingimiko.

VIDIO: Paulu Ambulula kuli Mwene Agripa

1. Kengeni VIDIO, nambe kutanda Bilinga 26:2, 3. Kutundaho, singanyekeseseni ha bihula binatako:

Paulu wamwesele bati kulikehesa mwasimutwiiye na Mwene Agripa?
Kapositolo Paulu wamukwasele bati ake mbunge kuli Yehova na ku Bisoneka kutubakana ku kulimwesa? —Taleni Bilinga 26:22.

Bika Bitulilongesa Kuli Paulu?

2. Banu basa kutambula muzimbu wetu nga tuwendeka mu kulikehesa na mu kasingimiko.

Tembwinineni Paulu

3. Endekeni mu kasingimiko. Keti mwendeke mu ngila ije imwesa ngwe yeni lika muzibuka byoshe na kumwesa ngwe mukweni nebi byazibuka byahi.

4. Mweseni bene ngweni busunga bumuli na kwambulula butunda mu Mbimbiliya. Mu Lijwi lya Njambi muli majwi aje eta banu ku bimbunge. Nga tuipangesa, co tubalingisa baikulahele.

5. Weni mbunge. Keti mwimane ha kumwesa ngweni yeni muli na kwendeka busunga. Kutushaka kulinga bimata. Mweseni kulikehesa ha kuwa mbunge na kuzibuka simbu ya kukatuka. (Visi 17:14; Tito 3:2) Kukumbulula mu kuwa mbunge kwasa kulingisa mwakusimutwiye mwamubwa ha bungenzi bukwabo.

TALENI LALO

Loma 12:16-18; 1 Kori 8:1; 2 Kori 3:5