AUGUST 5-11

BISIMPI BYA SEHO BYA MU LIJWI LYA NJAMBI

1. ‘Leka Cisemwa Cinatako’ bya Nzili ya Njambi

(Minu 10)

Devidi mwapwile mukwenje walimwenenene mwamunyungilililemo Yehova (Sm 71:5; w99 9/1 18 ¶17)

Devidi mwakulubalele walimwenenene mwamukwaselelemo Yehova (Sm 71:9; g04 10/8 23 ¶3)

Devidi washongangeyeye babaha omwo wabalekele byuma byaliwanene nabyo mu kuyoya kwendi (Sm 71:17, 18; w14 1/15 23 ¶4-5)

Nanga ibanamwesele calumingo cinahu ha mutamba wa “Bingila Bimo Byakulingilamo Kulemesa Kwa Naanga.” Inalanya munu na muka-limbo lyendi ba tukulukazi ku kulemesa kwa naanga. Co banu mu naanga bali na kutolilila mukubwahelela omwo babamwesa bikupulo na kubaleka byuma bibanaliwanene nabyo mu buyoye bwabo.

LIHULENI NGWENI, ‘Ndolome nambe ndokazi muka uje napangela Yehova ha myaka yaingi injishaka kwa kwihula bihula mutwakulinga Kulemesa kwa Naanga?’

2. Kutondesesa Bisimpi bya Seho

(Minu 10)

Sm 72:8—Cikulaheso ca kulahesele Yehova kuli Abrahamu cije cili ku mukanda wa Genese 15:18, calishulisilile bati ha simbu yakele na kuyula Mwene Solomoni? (it-1 768)

Cikumbululo ceni
Bisimpi muka bimunawana mu kutanda Mbimbiliya cino calumingo?

Cikumbululo ceni

3. Kutanda Mbimbiliya

(Minu 4) Sm 71:1-24 (th cilongesa 5)

AKENI MBUNGE KU CIPANGI CA KWAMBULULA

4. Kushangumuka Kusimutwiya na Banu

(Minu 3) KWAMBULWILA HA NJIBO NA NJIBO. Nga munu imusimutwiya nendi ashangumuka kulinga bimata, maneseni kusimutwiya nendi mu ngila yaibwa. (lmd cilongesa 4 simpi 5)

5. Kwilukilako

(Minu 4) KWAMBULULA MU KUTULUKWA. Twaleleleniho kusimutwiya na kabushoko keni uje ali na kukwata-kwata ku masinde kulilongesa Mbimbiliya. (lmd cilongesa 8 simpi 4)

6. Lumbununeni Byuma Bimwakulahela

(Minu 5) Ñanda. Ijwfq-SK 49—Mutwe wa Ñanda: Mwafwa Bika Bakaleho ba Yehova Banatengulula Byuma Bimo Bibakulahela? (th cilongesa 17)

YOYESI YA BAKA-KRISTU

7. Bingila Bimo Byakulingilamo Kulemesa kwa Naanga

(Minu 15) Kusimutwiya.

Naanga yakulifwa inemana, co ili na kulizilisa kwimba mwaso wa Bumwene.

Ili na kukenga progiramu ya JW Broadcasting.

Munabo umo wa mumbanda ali na kukumbulula baina kupangesa bingila bya mwakulingilamo kulemesa kwa naanga bibanalilongesa ha kulemesa kwa naanga.

Simbu ya Kulemesa kwa Naanga inapu ya seho kuli banike mwafwa baka ‘balongesa na kubanangula na binangulo bya Yehova.’ (Efe 6:4) Kulilongesa kukatondeka kulifwita, oloni munu asa kulikuwa kulilongesa maneneni ku banike mwafwa bakakala na lishungu lya kushaka kuzibuka byabingi kutalesa ku busunga buli mu Mbimbiliya. (Iwa 6:27; 1Pi 2:2) Bisemi tandeni biñanda bili mu cipalo ca “Bingila Bimo Byakulingilamo Kulemesa kwa Naanga” mangana mwase kulongesa mwamubwa naanga yeni na kwendesa kulemesa kwa naanga mu ngila ije ibalikuwa bana beni, kutundaho simutwiyeni ha bihula binatako:

Ha byuma ebi, bili bimushaka kweseka kulingako?

Cikumbululo ceni
Kuma munawanako byuma bikwabo bije byasa kumikwasa ndi?

Cikumbululo ceni

BINGILA BIMO BYAKULINGILAMO KULEMESA KWA NAANGA

MBIMBILIYA:

Tolilileni ku kutanda Mbimbiliya kwa calumingo na calumingo nambe kulyana umo na umo mu naanga yeni kutanda mu kutambeka. Umo na umo mu naanga asa kutanda ha majwi a banu bali mu Mbimbiliya
Ihuleni bihula bitunda mu kutanda Mbimbiliya kwa calumingo na calumingo. Umo na umo mu naanga yeni anguleho cihula cimo na kutondesesa cimbululo. Kutundaho, co basa kwendeka byuma bibanalilongesa
Ihuleni cihula nambe kuwanako byuma bimo bimwasa kutondesesa ha binangulo bya mu Mbimbiliya kupangesa libulu lya Bisoneka Bikwasa Baka-Kristu bije byasa kumikwasa nambe kukumbulula cihula
Eheni muzimbu umo wa mu Mbimbiliya
Calumingo na calumingo, pangeni makadi ali na mavesi akuliseza-seza, mwasa kusoneka mavesi ngwe aje ali ha mutamba wa biñanda bikwabo A mu broshuwa ya Zemeni Banu—Kupwisa Banu Bandongesi. Kutundaho, lifwiteni kwanuka owo mavesi. Itulukeni mu makadi amunapangela mu byalumingo byakunima
Mwasa kulilongesako mutamba umo wa mu libulu lya Likuweni Kuyoya Myaka Yoshe!
Lekeni umo na umo mu naanga akwendeke lipoti lyanabwaesa kupangesa biñanda bili ha mutamba wa “Bihula bya Kukundama ku Mbimbiliya” nambe “Litimana za Mwa Bibele Zetalusizwe” bije biwaniwa mwisi ya mutamba wa BILONGESA BYA MU MBIMBILIYA ha jw.org

BIWANO:

Mwasa kulibwaesela umo wa mitamba ya biwano bya cikungulukilo
Libwaeseleni na kulizilisa bikumbululo bimukakumbulula, co lalo taleni na ha simbu omwo mulibwaesela
Liziliseni kwimba myaso ya Bumwene
Simutwiyeni na kulibwaesela majwi amukashongangeya munu umo, simbu kanda biwano bishangumuke nambe munima yabyo
Libwaeseleni ñanda na naanga yeni ije yakana umo wa mu naanga yeni ku biwano bya mukati ka calumingo

CIPANGI CA KWAMBULULA:

Libwaheseleni ku kambulwila ha njibo na njibo
Libwaheseleni mangezi eni akwilukila
Lingeni ngwe muli na kwambulula mu kutulukwa, co liziliseni mumwasa kushangumukila mwamubwa kusimutwiya na munu
Simutwiyeni ha byuma bimwasa kulingako mu kulinga byabingi mu cipangi ca kwambulula ha simbu ya Canukiso indi nambe nga mwalembuka ku sikola nambe ku cipangi

BUJENE BULI MU NAANGA:

Liziliseni mumwasa kulingila nga bamishendumuna nambe mumwasa kukumbulwila nga bamihula ebi kumwesi kulikobelesela mu biñanda bya kaye, kulinga bilika bya litangwa lya kuhwima, nambe nga bamihula ha biñanda bya kulizibuka na munu imushaka kulyambata nendi
Simbu imo ha kulemesa kwa naanga, bisemi basa kulinga ngwe bakebo bana, co na bana nabo basa kulinga ngwe bakebo banapu bisemi. Bana batondesese biñanda bibasa kusimutwiya ha simbu ya kulemesa kwa naanga

BYUMA BIKWABO BIMWASA KULINGA:

Kengeni na ku simutwiya ha byuma bimunalilongesa mu JW Broadcasting progiramu
Tandeni ñanda imo nambe kukenga vidio ili ha jw.org, co kutundaho, simutwiyeni ha byuma bimunalilongesa
Lilongeseni byuma bili ha mutamba wa “Bakwenje na Bambanda” nambe “Banike” bije bili mwisi ya mutamba wa BILONGESA BYA MU MBIMBILIYA ha jw.org
Itulukeni mu bisimpi bimunakalilongesele ku ciwano cakama nambe ca citingitingi
Tondeseseni nambe kutalesesa cuma cimo ca kutanga. Kutundaho, simutwiyeni ha byuma bimulilongesako hali Yehova
Bisimbu bimo mwasa kulanyako ndolome nambe ndokazi, co mwasa kumwihula bihula bimo
Lyakeleni bilengo bya ku sipilitu na kusimutwiya mumwasa kubishulisilila
Mwasa kutondesesa ha biñanda bili ha ma cati nambe ha ma mapu aje amwesa myela ya mu simbu ibasonekele Mbimbiliya

Mwesa VIDIO ya Twaleleleniho Kulifwita Kwendesa Mwamubwa Kulemesa Kweni kwa Naanga. Kutundaho, ihula mbunga cihula cinatako:

Munalume asa kwendesa bati mwamubwa kulemesa kwa Naanga mangana munakazi wendi alikuwe nameme kubesi na bana?

Cikumbululo ceni

8. Cilongesa ca Mbimbiliya ca Cikungulukilo

(Minu 30) lvs capi. 12 para. 15-22, Biñanda bya Kushongo 27