Kuma Bweho bwa Bola ya Mendi bwa Kaye Bwasa Kulingisa Banu Balikwatasane Bene ndi?—Bika biyendeka Mbimbiliya?

Banu ba kweta ku 5 bilioni bakenga bola ya mendi ya kaye (FIFA World Cup) ije ikalako kushangumuka November 20 kutwala December 18, 2022. Banu babangi bakasinganyeka ngwabo bweho bwa cifwa eci bwasa kulingisa banu balikwatasane ha simbu ibabukenga.

• Nelson Mandela, uje wapwile pulezidenti wa South Africa ngwendi: “Bweho buli na nzili ya kutengulula kaye. Co lalo bukazibisa banu ku bimbunge kubwaha. Buli na nzili ya kulingisa banu balikwatasane mu ngila ya kulitila.”

• Gianni Infantino pulezidenti wa FIFAa ngwendi: “Bola ya mendi . . . ikakwasa banu balikwatasane mwafwa ikalingisa banu bakale na lilabelelo, babwahelele, balizeme umo na mukwabo, co ikalingisa banu bawisile kumo.”

Kuma Bweho bwa Mbola ya Mendi ya Kaye nambe bweho bweka bwasa kulinga byuma bitunendeka helu ndi? Kuma tangwa tukayoya mu kwoloka na likwatasano ndi?

Kuma cili bene bweho bwasa kulingisa banu balikwatasane ndi?

Bweho bwa Mbola ya Mendi ya Kaye bwa uno mwaka bunalingisa banu byuma byabingi. Bunalingisa banu basimutwiye ha buyoye na bupolitiki. Bunabalingisa basimutwiyebyuma bya kufwa ngwe lisesa lya banu, kangu na ha byuma bili na kulingisa mafuti amo apwe a kuhutwa akwabo apwe a kufuka.

Nameme ngoco banu bamo bakalikuwu kukenga bweho bwa mafuti bwa kufwa ngwe Bola ya Mendi ya Kaye. Oloni obu bweho kubwasa kulingisa banu batwaleleho kulikwatasana. Bukashongangeya banu bakale na futisi na bilinga bije bikalingisa banu balyangunune, co ebi bikebyo biinendeka Mbimbiliya ngwayo bikamwesa ngwabyo tuli na kuyoya mu “matangwa a mamaneselelo.”—2 Timothi 3:1-5.

Tuli na lilabelelo lya kukayoya mu kulikwatasana kaye koshe

Mbimbiliya yakulahesa ngwayo banu mu kaye koshe bakalikwatasana mu busunga. Yakulahesa ngwayo banu bakalikwatasana mu kaye omwo kaye koshe kakala mwisi ya fulumende ya mwilu ije ibatumbula ngwabo “Bumwene bwa Njambi.”—Luka 4:43; Mateu 6:10.

Yesu Kristu uje napu Mwene wobu Bumwene akalingisa mu kaye mwoshe mukale kwoloka. Mbimbiliya ngwayo:

• “Baka-busunga bakayoya mwamubwa, co kukakala kwoloka kwa kulumbunuka.”—Myaso 72:7, NWT.

• “Apatula tuhutu baje batambeka kuli ikeye . . . Ikeye abamena kuli baka-muuka, na kuli baka-kubalinga mwamubi.”—Myaso 72:12, 14.

Ano matangwa bilongesa bya Yesu bili na kukwasa banu ba mu mafuti 239 balikwatasane. Banecela kuzinda bakwabo. Nga mushaka kuzibuka byabingi tandeni biñanda bili mwisi ya mutwe wa “Byuma Byasa Kumanesa Bizindo.”