CHILONGETHA 14

Vavuthamba Va Njambi Vakajenjuka Ku Vyuma Vyavivi

Satana aketheka vanu valinge vyuma vyavivi. Munu uje ashaka kupwa kavuthamba ka Njambi napande kuthzinda vyuma vyathzinda Yehova. (Myaso 97:10) Vyuma vimo vivakajenjuka vavuthamba va Njambi evi:

Yehova wathzinda vupangala na kupenda na kutunditha limo na vwithzi na makuli na matoto na kweha kwa linyanyamena

Vupangala. “Kesi mukalinge vupangala.” (Kutuuka 20:14) Kulinga vupangala thimbu kanda vanu valyambate nakwo kwakuvi. —1 Kolinte 6:18.

Kupenda. “Vaka-kupenda . . . kuvakashwana Vumwene vwa Njambi.”—1 Kolinte 6:10.

Kuthsiya Munu, na Kutunditha Limo. “Kesi mukatsiye.” —Kutuuka 20:13.

Vwithzi. “Kesi mukaive.” —Kutuuka 20:15.

Makuli. Yehova wathzinda ‘kwendeka makuli.’—Visimo 6:17.

Vukenya na Matoto. “[Yehova] wathzinda voshe vaje vathzema vukenya.” (Myaso 11:5, NW.) “Vije vicilinga cisemwa ca vunu [vinapu] . . . matoto.”—Ngalatiya 5:19, 20.

Kweha kwa Linyanyamena. “Kesi mulipandakane na munu uje . . . muka-cipululu.” —1 Kolinte 5:11.

Kuthzinda Vaka-vikova Vyeka na Vaka-miyati Yeka. “Zemeni vitozi veni, co lombeleleni vaje valinakumiyandesa.”—Mateo 5:43, 44.

Vyuma vyakatuleke Njambi vikatukwatha. Chapwa chachikalu kujenjuka ku vyuma vyavivi thimbu yoshe. Oloni Yehova na Vakaleho vendi vamikwatha mwathe kujenjuka ku vyuma vije kashakele Njambi.—Isaya 48:17; Filipu 4:13; VaHevelu 10:24, 25.