Baka-Kristu na Nzita—Bika Biyendeka Mbimbiliya?

Ngwe mutunamwena mu nzita ili ku Ukraine, bantwama ba bulombelo bwa baka-Kristu banalikobelesa manene mu nzita. Bantwama ba bulombelo bamo bali na kwimanena mutamba umo wa nzita, bakwabo co bali na kwimanena mutamba ukwabo ngwe mutumwena mu majwi anatako.

• “Twakandelelako na kusingimika maswalele betu baje bali na kulwila lifuti lyabo lya Ukraine kuli baje bali na kutulwisa. . . Twamyaka mbunge, tuli na kumilombelela kutundilila kwisi ya bimbunge byetu, co lalo tutwalelelaho kumikwasa.”—Metropolitan Epiphanius I wa ku Kyiv, muzimbu wa The Jerusalem Post, lya March 16, 2022.

• “Ntwama wa bulombelo bwa Russian Orthodox Church nalingilile maswalale ba baka-Russia ciwano lya calumingo, co nabashongangeyeye kulwila lifuti lyabo mwafwa ngwendi, ‘baka-Russia lika bakebo basa ngoco’ ngeci maswalele ba mu Moscow banatwalelelaho kulwa mu Ukraine.”—Reuters, April 3, 2022.

Kuma baka-Kristu banapande kulikobelesa mu binzita ndi? Bika biyendeka Mbimbiliya?

Biyendeka Mbimbiliya

Mbimbiliya imwesa ngwayo baka-Kristu babusunga kubapandele kulikobelesa mu binzita.

• “Shomeka mukwale wobe mu cindalo cawo, omwo boshe baje bapangesa mikwale yabo bakanyonga ku mikwale yabo.”—Mateo 26:52.

  Kuma munu uje akundwiiya nambe kulwa mu nzita ali na kukabangeya byendekele Yesu ndi?

• “Co njimyana lishiko lyaliha ngwange, lizemeni umo na mukwabo. Ngwe yange munjinamizeme, ngecibene, munapande kulizema umo na mukwabo. Nga mulizema umo na mukwabo, asinoni boshe bakazibuka ngeci mu bandongisi bange.”—Yowano 13:34, 35.

  Kuma nga munu akundwiiya nambe kulwa nzita ali na kumwesa ngwendi ali na cizemo cije cendekele Yesu ngwendi cikeco cibakazibuka naco bandongesi bendi ndi?

Nga mushaka kuzibuka byabingi co tandeni ñanda ya mutwe wa “Is War Compatible With Christianity?”

Baka-Kristu na nzita ano matangwa

Kuma busunga bene baka-Kristu kubapandele kulikobelesa nambe kulwa binzita ndi? Eyo. Mbimbiliya ya polofwetele ngwayo mu matangwa etu, aje abatumbula ngwabo ‘matangwa a kukotoka’ kukakala banu bakutunda ku miyati yoshe baje “kubakalibwaesela lalo kulwa nzita” ngwe mwalongeselele Yesu.—Isaya 2:2, 4.

• Nga mushaka kuzibuka byabingi, co tandeni ñanda ya mu Kaposhi ka Kukengela ka silozi, ya mutwe wa “Mulimu Uunga Cwañi Lindwa?”

Yehova,a “Njambi uje muka-kutwana kwoloka” akapangesa fulumende yendi ya mwilu mu kwobola banu “kuli baka-muuka, na kuli baka-kubalinga mwamubi.”—Filipu 4:9; Myaso 72:14.

• Nga mushaka kumona mwakalingila ngoco, kengeni video ya, Bumwene bwa Njambi Bwapwa Buka?