Banu Babangi Bali na Kuliziba Buli—Bika Biyendeka Mbimbiliya?

Mubanatondesesa ololo aha,a banawana ngwabo hakati ka banu bawana umolika ali na kuliziba buli.

• “Kwoshe-kwoshe kwali munu nasa kuliziba buli ipwe mwanike nambe mukulunu.”—Chido Mpemba, muka-kwimanenako muka-citwamo wa Munga Itala Mubakalizibila Banu mu Munga Itala bya Bukangule bwa Banu mu Kaye.

Banu babangi bakasinganyeka ngwabo bakulunu nambe baje bali likalyabo bakebo lika basa kuliziba buli. Oloni na banike baje banalikangula mwamubwa, bali kuyoya mwamubwa nambe baje bali mu bulo banasa kuliziba buli. Kujeneka kusimutwiya na bakwetu nambe kuliziba buli kunasa kutunenela bukalu bwakama mu bisinganyeka.

• Ndotolo Vivek Murthy mukulunu wa baka-kutabula ngwendi: “Kuliziba buli kukulumbununa lika kuliziba kubihya.” Natwalelelaho kwendeka ngwendi: “Bukalu butunda mu kujeneka kwendeka na bakwetu bunasa kulifwa na bukalu butunda mu kusipa mishanga ya kweta ku 15 ha litangwa.”

Bika Biyendeka Mbimbiliya?

Ishamatanga yetu kashaka ngwendi tulyangunune ku bakwetu. Njambi ashaka ngwendi tulikuwe kusimutwiya na bakwetu simbu yoshe.

• Cinangulo ca mu Mbimbiliya: “Njambi wendekele ngwendi: “Keti kwakubwa munu kutwalelelaho kukala lika lyendi.’”—Genese 2:18.

Njambi ashaka ngwendi tulikute busamba nendi. Nakulahesa kushwena kuli yetu nga tulifwita kushwena kuyehi nendi.—Jemusi 4:8.

• Cinangulo ca mu Mbimbiliya: “Banabwahelela baje bazibuka ngwabo batonda Njambi, mwafwa Bumwene bwa mwilu bunapu bwabo.”—Mateu 5:3.

Njambi ashaka ngwendi tumulemesele hamo na bakwetu. Kulinga ngoco kutukwasa tupwe ba kubwahelela.

• Cinangulo ca mu Mbimbiliya: “Tulyakeni mbunge umo na mukwabo mangana tulishongangeye kukala na cizemo na kupanga bipangi byabibwa, keti twombwanese kukunguluka hamolika, . . . oloni tulishongangeyeni umo na mukwabo.”—Bahebelu 10:24, 25.

Nga mushaka kuzibuka byabingi bitulingisa keti tulizibe buli, tandeni ñanda ya Silozi ya “Bulutu Mwa Lifasi la Lipangaliko ze Ñata.”