Yesu Akamanesa Nzita

Yesu mwakele hano hasi, wamwesele banu cizemo cakama kweta na ha kubatsila. (Mateu 20:28; Iwano 15:13) Ololo lalo akamwesa cizemo cendi ku banu mwakapangesa moko na nzili yendi ha kupwa Mwene wa Bumwene bwa Njambi mu kumanesa “binzita ha lifuti-libu hoshe.”—Samu 46:9.

Nangukeni biinendeka Mbimbiliya ha byuma byakalinga Yesu:

• “Mwafwa akamena kahutu uje alomba bukwasi, Co lalo akamena munu wa kwisi uje kesi nou wa kumukwasa. Akazibila ngozi munu wa kwisi na kahutu Na kwobola myonyo ya tuhutu. Akabamena ku baka-kulyatelela na baka-lwozi.”—Bisamu 72:12-14.

Twasa kumwesa bati kukandelela kuli Yesu ha byuma byanatulingila nebi byakatulingila kulutwe? Ngila imo inapu kulilongesa bya “muzimbu waubwa wa Bumwene bwa Njambi” uje wambulwile Yesu. (Luka 4:43) Tandeni ñanda ya “Bumwene bwa Njambi Bwapwa Buka?”