Byuma Bitukwasa Tubwahelele Nga Tuli mu Bukalu—Bika Biyendeka Mbimbiliya?

Muno mu simbu yaikalu, byuma kubyasa kwenda ngwe tuyongwelamo. Nameme ngoco kubwahelela kwetu kukwemanene ha byuma bili na kulingiwa mu kuyoya kwetu, oloni kunemana ha bilinga byetu. Mbimbiliya ngwayo nameme tuli na kuliwana na bukalu, oloni ‘banu ba kubwahelela balisamba simbu yoshe.’ (Provebia 15:15) Bika bitunapande kulinga mangana tutwaleleleho kupwa ba kubwahelela? Taleni mubyasa kumikwasela binangulo bya mu Mbimbiliya.

Mwakuhyanena bishoti

Mbimbiliya ngwayo: “Bishoti bya mu mbunge ya munu biizeyesa, Oloni lijwi lyalibwa liishubulwisa.”—Provebia 12:25.

• Mbimbiliya yasa kumikwasa mutepulule ku bishoti. Yasa kulinga bati ngoco? Tandeni ñanda ya “Kuma Mbimbiliya Yasa Kumikwasa nga Muli mu Bishoti Ndi?”

Byuma bimikwasa muhyane buli

Mbimbiliya ngwayo: “Kabusamba wa busunga amwesa cizemo simbu yoshe, Co napu ndolome uje iwasa kukulahela nga kuli bukalu.”—Provebia 17:17.

• Mu Mbimbiliya muli binangulo bije byasa kutukwasa tujeneke kulizibi buli na kukanyamesa busamba bwetu na bakwetu. Tandeni ñanda ya “Waneni Babusamba Mangana Keti Mulizibe Buli—Mbimbiliya Yasa Kutukwasa Bati?”

Zemeni Njambi na bakweni

Mbimbiliya ngwayo: “Unapande kuzema Yehova Njambi yobe na mbunge yobe yoshe na mwonyo wobe woshe na bisinganyeka byobe byoshe. . . . Unapande kuzema mukweni ngwe muwalizema yobe babenya.”a—Mateu 22:37-39.

• Kulombela kutukwasa tuzeme manene Njambi. Nga mushaka kuzibuka byabingi, tandeni ñanda ya “Njambi Akatolilila ku Malombelo Etu Ndi?”

• Tumwesa bakwetu cizemo nga tukabangeya bingila byendekele Yesu bya mwakumweselamo cizemo. Waneni byabingi ha kutanda ñanda ya mu Silozi ya mutwe wa “Mulao wa Kueza Hande Babañwi Utalusañi?”

Lilongeseni Mbimbiliya mangana imikwase kupwa ba kubwahelela nameme tuli na kuyoya mu simbu yaikalu. Nga mushaka kulimwena ebi byuma, co tumilanya ngwetu mulilongese netu Mbimbiliya kwa kujeneka kufweta.