Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • 2 Samwele 6
  • Mbimbiliya ya Bisoneka bya Kaye Kakaha

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

Biñanda Bili ku 2 Samwele

      • Cikasha bacinena ku Jelusalema (1-23)

        • Uza akwata cikasha, co bamutsiya (6-8)

        • Mikali ashendumuna Devidi (16, 20-23)

2 Samwele 6:2

Mafutunoti

  • *

    Nambe hamo “mukati ka.”

2 Samwele 6:8

Mafutunoti

  • *

    Kulumbununa “Kwepukila Uza.”

  • Mbimbiliya ya Bisoneka bya Kaye Kakaha
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
Mbimbiliya ya Bisoneka bya Kaye Kakaha
2 Samwele 6:1-23

Mukanda Wamucibali wa Samwele

6 Devidi wakungulwile lalo maswalale ba nzili manene mu Isalele, ba kupwa 30,000. 2 Co Devidi na banalume boshe baje bakele nendi baile ku Bale-juda kukambata cikasha ca Njambi wa busunga, cikasha kuje kubakasanena ha lizina lya Yehova wa maswalale, uje natumama ha litanda, helu lya* bakerubi. 3 Oloni bakele cikasha ca Njambi wa busunga mu litemba lyaliha mangana bacitundise ku njibo ya Abinadabu, ije yakele ha lilundu. Co Uza na Ahiyo, bana ba Abinadabu, bakele na kutwamenena olyo litemba lyaliha.

4 Ngeci, batundisile cikasha ca Njambi wa busunga ku njibo ya Abinadabu, ije yakele ha lilundu, co Ahiyo watwamene kulutwe lwaco. 5 Devidi na bakunjibo ya Isalele boshe bakele na kulisamba ha mesho a Yehova oku baimba byakwimbisa bya kuliseza-seza bya kupanga ha muti wa junipa, na tulyalya, na bisanzi bikwabo bya mikole, na tungoma, na bimbendo, na bingenjo. 6 Oloni mubetele ku lijungwilo lya Nakoni, Uza wolwele liboko lyendi na kukwata cikasha ca Njambi wa busunga, mwafwa bingombe bashakele kucandumuna. 7 Ngeci, butenu bwa Yehova bwepukilile Uza, co Njambi wa busunga wamutsiile mwafwa ya kujeneka kasingimiko, co watsililile kumukulo wa cikasha ca Njambi wa busunga. 8 Oloni Devidi walubalele mwafwa butenu bwa Yehova bwepukilile Uza. Co uje mwela baulukile ngwabo Pelezi-uza* kweta na lelo lino. 9 Ngeci, Devidi wazibilile Yehova lyoba lije litangwa, co wendekele ngwendi: “Cikasha ca Yehova casa kwija bati kuli yange?” 10 Devidi kashakele ngwendi banene cikasha ca Yehova mu Nganda ya Devidi mwakele. Co washikile ngwendi bacitwale ku njibo ya Obedi-edomu wa ku Gathi.

11 Cikasha ca Yehova cakele ku njibo ya Obedi-edomu wa ku Gathi bingonde bitatu, co Yehova watwaleleleleho kubezikisa Obedi-edomu na bakunjibo yendi boshe. 12 Mwene Devidi bamulekele ngwabo: “Yehova nabezikisa bakunjibo ya Obedi-edomu na byuma byendi byoshe mwafwa ya cikasha ca Njambi wa busunga.” Ngeci, Devidi waile na kwambata cikasha ca Njambi wa busunga ku njibo ya Obedi-edomu na kucinena mu Nganda ya Devidi oku ali na kulisamba. 13 Baka-kwambata cikasha ca Yehova mubendele lika manambo 6, Devidi wanene ngombe wa nkomba na cimuna wa kununa kupwa mulambu.

14 Devidi wakele na kukina manene ha mesho a Yehova oku azenguluka. Ha simbu yoshe ei, Devidi wazalele efodi ya lineni. 15 Devidi na bakunjibo ya Isalele boshe bakele na kunena cikasha ca Yehova oku bali na kukuwa mu kulisamba na kwohyesa limbinga. 16 Oloni cikasha ca Yehova mucetele mu Nganda ya Devidi, Mikali muna Saulu washumbililile ha windo, co wamwene Mwene Devidi ali na kujombozoka ha mesho a Yehova na kukina oku azenguluka, co washangumukile kumushendumuna mu mbunge. 17 Ngeci, banenele cikasha ca Yehova mu nganda na kucaka mu mwela waco mu tenti yacishimbikilile Devidi. Co Devidi wanene bwana bwa kwenyeka na milambu ya kulila hamo ha mesho a Yehova. 18 Devidi mwamanesele kwana bwana bwa kwenyeka na milambu ya kulila hamo, wabezikisile banu mu lizina lya Yehova wa maswalale. 19 Kutundaho, wapangezelele banu boshe makende. Wawapangezelele mbunga yoshe ya Isalele, banalume na banakazi. Wanene umo na umo wabo likende lya muzenguluke, likende lya kupanga ha bushuka bwa mashakabale, na likende lya kupanga ha bushuka bwa binyu bwa kuma, co munu na munu waile ku njibo yendi.

20 Devidi mwelukile ngwendi akabezikise bakunjibo yendi, Mikali muna Saulu waile na kukaliwana nendi, co wendekele ngwendi: “Lelo mwene wa Isalele nalyana bumpau mwanalishulula ha mesho a bindungo ba banakazi ba bangamba bendi, ngwe munu wa kujeneka mana mwakalishulwila ha mbunga.” 21 Devidi wakumbulwile Mikali ngwendi: “Njinakala na kulisambela ha mesho a Yehova, uje nangula yange kutubakana kwangula isho na bakunjibo yendi boshe kupwa ntwama wa banu ba Yehova, Baisalele. Ngeci, njilisamba ha mesho a Yehova, 22 co njilikehesa manene kutubakana munjinalingila hano na kulimona kupwa wamundondo. Oloni bindungo ba banakazi baunendeka banjana bumpau.” 23 Ngeci, Mikali muna Saulu kakele na bana kweta na litangwa lyatsile.

Mabulu a Mbunda (1987-2026)
Tundaho
Kobela
  • Mbunda
  • Anako bakweni
  • Biushaka
  • Copyright © 2025 Watch Tower Bible and Tract Society of Pennsylvania
  • Mashiko a Mwakuipangesela
  • Mwakupangesela Mizimbu Yobe
  • Mwakunonekela Mizimbu Yobe
  • JW.ORG
  • Kobela
Anako Bakweni