Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • 2 Samwele 15
  • Mbimbiliya ya Bisoneka bya Kaye Kakaha

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

Biñanda Bili ku 2 Samwele

      • Abisalomu enda ishe bungungu na kumutengulukila (1-12)

      • Devidi atewa mu Jelusalema (13-30)

      • Ahithofeo akundwiya Abisalomu (31)

      • Hushai bamutuma kukatanganesa biyongola bya Ahithofeo (32-37)

2 Samwele 15:7

Mafutunoti

  • *

    Hamo myaka 40 kutunda hababwabeselele Devidi, kwesekesa na 1 Samwele 16:13.

2 Samwele 15:8

Mafutunoti

  • *

    Nambe “njikalemesa.” Lijwi na lijwi “njikapangela.”

2 Samwele 15:10

Mafutunoti

  • *

    Nambe “tunenga.”

2 Samwele 15:16

Mafutunoti

  • *

    Nambe “lipela.”

2 Samwele 15:18

Mafutunoti

  • *

    Nambe “bakele na kuya nendi mu sambwa.”

  • *

    Nambe “bakele na kwita halutwe lwa mwene.”

2 Samwele 15:30

Mafutunoti

  • *

    Nambe “mukandu.”

2 Samwele 15:37

Mafutunoti

  • *

    Nambe “uje yakulahelele.“

  • Mbimbiliya ya Bisoneka bya Kaye Kakaha
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
Mbimbiliya ya Bisoneka bya Kaye Kakaha
2 Samwele 15:1-37

Mukanda Wamucibali wa Samwele

15 Munima ya byuma byoshe ebi, Abisalomu walitondelele litemba na tubalu na banalume 50 mangana bashatuke-shatuke kulutwe lwendi. 2 Abisalomu wakele na kwinduka mutondo-tondo na kwimana kumukulo wa ngila, ku cikolo ca nganda. Simbu yoshe mukwakele munu uje wakele na ñanda yapandele kwakula mwene, Abisalomu wakele na kumusana na kumwihula ngwendi: “Utunda mu nganda muka?” Co wakele na kukumbulula ngwendi: “Ngamba yobe atunda ku muyati umo wa Isalele.” 3 Abisalomu wakele na kuleka owo munu ngwendi: “Tala, biuli na kwendeka binasungama, co lalo binapande, oloni naumo wahi atunda kuli mwene atolilila ñanda yobe.” 4 Abisalomu wakele na kwendeka ngwendi: “Ngwe bananjangula lika kupwa lyako mu lifuti, ngwe munu woshe ali na ñanda nambe cinyengo mwaija kuli yange, ngwe njimwakwila mwamubwa.”

5 Co nga munu umo ashwena kuyehi nendi na kumutsikamena, Abisalomu wakele na kwolola liboko lyendi na kumukwata na kumutsemba. 6 Abisalomu walingile ngoco ku Baisalele boshe baje bakele na kwija kuli mwene mangana abakule. Ngeci Abisalomu watwaleleleleho kukokweya bimbunge bya banu ba Isalele mu busebuse.

7 Ku mamaneselelo a myaka iwana,* Abisalomu walekele mwene ngwendi: “Njitabese njiye ku Hebroni njikashulisilile cikumiiyo cinjinalikumiiye kuli Yehova. 8 Mwafwa ngamba yobe mwakele mu Gesha mu Siria walikumiiye ngwendi: ‘Nga Yehova anjilwisa ku Jelusalema, co njikana bwana kuli* Yehova.’” 9 Ngeci mwene wamulekele ngwendi: “Ya mu kwoloka.” Co wakatukile na kuya ku Hebroni.

10 Abisalomu watumine miluwa* ku miyati yoshe ya Isalele na kubaleka ngwendi: “Muciziba lika cilumo ca limbinga, tambekeni ngweni, ‘Abisalomu napu mwene mu Hebroni!’” 11 Kwakele banalume 200 baje baile na Abisalomu kutunda mu Jelusalema. Wabalanyele, co baile kwa kujeneka kulibwahesela nambe kuzibuka byakele na kulingiwa. 12 Kutundaho, Abisalomu mwakele na kwana mulambu, watumine bamo bakasane Ahithofeo wa ku Gilo muka-kunangula Devidi kutunda mu nganda yendi ya Gilo. Oku kutengulukila kwakele na kulibwezelela, co banu baje bakundwiiye Abisalomu bakele na kulibwezelela.

13 Mu kwita kwa simbu, munu umo wezile kuli Devidi na kumuleka ngwendi: “Bimbunge bya banu ba Isalele binatengulukila kuli Abisalomu.” 14 Oho bene Devidi walekele bangamba bendi boshe baje bakele nendi mu Jelusalema ngwendi: “Katukeni tutewe mwafwa naumo wahi hakati ketu oboka kuli Abisalomu! Zambuleni mwafwa nasa kutuwana na kutunenela bukalu na kutsiya banu bali muno mu nganda na mukwale!” 15 Bangamba ba mwene bakumbulwile mwene ngwabo: “Bangamba bobe banalibwahesela kulinga byoshe-byoshe biuyongola kulinga yobe shukulu yetu mwene.” 16 Ngeci mwene waile hamo na bakunjibo yendi boshe, oloni wasezele banakazi bendi bakwabo ba kupwa 10 mangana banyunge njibo.* 17 Co mwene watwaleleleleho kwenda hamo na banu boshe baje bakele na kumukaba, co bemanene ha Bethi-mehaki.

18 Bangamba bendi boshe baje bakele na kuya nendi,* na Bakeleti, na Bapeleti na baka-Gathi, kulumbununa banalume 600 baje bamukabele kutunda mu Gathi, boshe bakele na kwita, co mwene wakele na kubelula.* 19 Co mwene walekele Itai wa ku Gathi ngwendi: “Bika biuila netu? Iluka ukakale na mwene wamuha mwafwa u wa ku lifuti lyeka, co lalo unatewe ku lifuti lyobe. 20 Izau lyangoco unezile, co lelo njikutabese kuyebangela nange kwoshe kunjiya? Iluka na bandolome bobe, co Yehova akumwese cizemo cije kucesi kutenguluka na kulongwa kwendi.” 21 Oloni Itai wakumbulwile mwene ngwendi: “Njilisinga hali Yehova wa kuyoya na hali yobe shukulu yange mwene ngwange kwoshe-kwoshe kuuya yobe shukulu yange mwene, ukatsileko nambe ukayoyeleko, nange njiya hamo nobe, yange ngamba yobe.” 22 Co mwene walekele Itai ngwendi: “Ya mu sambwa.” Ngeci Itai wa ku Gathi waile mu sambwa hamo na banalume bakele nendi na banike.

23 Banu boshe mu lifuti bakele na kulila mu kutambeka ha simbu ibakele na kuya mu sambwa aba banu boshe, co mwene wemanene ku Cingulunga ca Kidroni. Banu boshe bakele na kuya mu sambwa na kushanga mu ngila ya kutalesela mu mambo. 24 Zadoki nendi kwakele, co wakele hamo na Balevi baje bambatele cikasha ca cikumiiyo ca Njambi wa busunga. Batumbikile cikasha ca Njambi wa busunga hasi, co Abiatha nendi kwakele kweta noho habaililile banu boshe mu sambwa kutunda mu nganda. 25 Oloni mwene walekele Zadoki ngwendi: “Ilwisa cikasha ca Njambi wa busunga mu nganda. Nga Yehova anjitetela, anjilwisa, co njakucimona lalo na kumona mwela waco mucakala. 26 Oloni nga endeka ngwendi, ‘Kuwanjibwasele,’ co alinge kuli yange byoshe-byoshe byamona ngwendi byabibwa.” 27 Mwene walekele kapilistu Zadoki ngwendi: “Ngwetu u muka-kumona ndi? Iluka ku nganda mu kwoloka, co ya na munobe Ahimazi na Jonathani muna Abiatha. 28 Tala, njilizenga-zenga ku myaba ya mu mambo kweta noho hanjitambwila lijwi litunda kuli yobe.” 29 Co Zadoki na Abiatha belwisile cikasha ca Njambi wa busunga ku Jelusalema, co kukekwo kubakakele.

30 Devidi mwakele na kukanduka ha Munkinda* wa Olive, wakele na kulila, co walifwikile ku mutwe, co lalo wakele na kwenda mendi-mendi. Banu boshe bakele nendi nabo balifwikile ku mitwe, co bakele na kulila mubakele na kukanduka. 31 Devidi bamulekele ngwabo: “Ahithofeo nendi nalikwatasana na Abisalomu mu kukutengulukila.” Ngeci Devidi wendekele ngwendi: “Obe Yehova, lingisa cinangulo ca Ahithofeo cipwe ca bulema!”

32 Devidi mwetele helu lya munkinda haje habakele na kutsikamena Njambi banu, Hushai wa Kaaki wezile na kuliwana nendi na mukanjo wa kutabuka, na libu ku mutwe. 33 Nameme ngoco, Devidi wamulekele ngwendi: “Nga uya nange mu sambwa, upwa citele kuli yange. 34 Oloni nga wiluka mu nganda na kukaleka Abisalomu ngwobe, ‘Nji ngamba yobe obe mwene, njapwile ngamba ya isho kunima, oloni hano nji ngamba yobe,’ co unjikwasa kutanganesa cinangulo ca Ahithofeo. 35 Kapilistu Zadoki na kapilistu Abiatha bakakala hamo nobe. Unapande kukaleka kapilistu Zadoki na kapilistu Abiatha byuma byoshe biukaziba ku lipela. 36 Tala! Bali na bana babo babali, Ahimazi muna Zadoki na Jonathani muna Abiatha, co ukatume aba bana babo bakunjileke byoshe bimuziba.” 37 Ngeci Hushai kabusamba ka* Devidi waile mu nganda ha simbu yakele na kukobela Abisalomu mu Jelusalema.

Mabulu a Mbunda (1987-2026)
Tundaho
Kobela
  • Mbunda
  • Anako bakweni
  • Biushaka
  • Copyright © 2025 Watch Tower Bible and Tract Society of Pennsylvania
  • Mashiko a Mwakuipangesela
  • Mwakupangesela Mizimbu Yobe
  • Mwakunonekela Mizimbu Yobe
  • JW.ORG
  • Kobela
Anako Bakweni