Wiˈix nëtsokëm mä poky ets mä oˈkën

35 ¿Mjamyejchpy ko Adang, yëˈë myëduˈukpë yetyëjk, diˈib ojts pyokytyuñ? Yëˈë ojts dyajtëgoy ja jukyˈäjtën ets ja paraˈisë, ets nëˈamukë ëtsäjtëm nˈoˈkëm naydëˈën mët ko xyˈuˈungˈäjtëm (Romʉ 5:12; 3:23).

36 Mëbäätxyëp nbatëm jatëgok ja jukyˈäjtën wäˈätspë, ko ja tuˈukpë wäˈäts jäˈäy xyajnitsokëm mä yëˈë oˈkën (1 Korintʉ 15:45; Romʉ 5:19, 21).

37 Dios yëˈë nety yˈUˈungë Jesus. Yëˈë nety tuˈugë yetyëjk wäˈätspë. Kyaj ojts pyokytyuñ (Ɛbreʉźʉty 5:9; 7:26).

38 Ojts tnasˈixë etsë jäˈäyëty yaˈoogëdët diˈib ja Dios kyaj nety tsoktë (Apóstʉlʉty 2:23).

Yëˈë dëˈën ojts xykyuyojxëm (1 Timoté 2:6).

39 Jesus ojts yajknëdäjë mä tuˈugë tsää äänk. Tëgëk xëë ojts yˈity ooky. Dios ojts jatëgok dyajpëdeˈeky (Apóstʉlʉty 2:24).

40 Ojts jyëmbijnë tsäjpotp. Cham mbääd tˈamdoy ja Diosë ñaybyudëkë diˈibëty myëmëdoodëp ja Dios (Ɛbreʉźʉty 9:24; 1 Fwank 2:1, 2).