Ëxpëjkën 16

Pëjtäˈägë mjot mwinmäˈäny xymyëdunëdë Dios

¿Ti net tsojkëp xytyunët parë mnaymyayëdët mëdë Dios? (1, 2)

¿Wiˈix mbäät mnaywyandaˈagyëty mä Dios? (1)

¿Näˈänëm mbäät mnëbety? (2)

¿Ti mbäät mëjäämoˈoyëty ets ninäˈä xykyamastuˈudëdë Dios? (3)

1. Pën mnaymyayanëp mëdë Dios, tsojkëp yajxon xynyijawëdë tëyˈäjtënë diˈib miimp mä Biiblyë (1 Timotee 2:3, 4), xymyëbëjktäˈäyët tijaty të xynyijawë (Ebreeʉsʉty 11:6), mjodëmbitët mä mboky mgaytyey (Apostʉlʉty 17:30, 31) ets kyaj xynyeky tyunëdë axëkˈäjtënë extëm të mjukyˈaty (Apostʉlʉty 3:19). Ok taxyëbë netë tadë tsojkënë diˈib mëdäjtypy mä Dios mbudëkëty ets mnaywyandäˈägëdët mä Dios. Tyäˈädë yëˈë dëˈën yˈandijpy ko anaytyuˈuktuuy xymyënuˈkxtäˈägët këˈëmë Dios, mä xyˈanëëmë ko mnaytyukëdëjkëp ets xytyunanë tsyojkënë (Matewʉ 16:24; 22:37).

2. Ko nety të mnaywyandakënë mä Dios, taxyëbë net mnëbety (Matewʉ 28:19, 20). Ko mnëbatët yëˈë tyukˈixëbë jäˈäy ko mijts të mnaywyandaˈagyëty mä Jyobaa. Pääty yëˈë jeˈeyë nëbajttëp diˈib tamë xyëë jyëmëjt, ets diˈib këˈëmë wyinmäˈäny të tpëjtaˈaky tmëdunäˈänyë Dios. Ko tuˈugë jäˈäy nyëbety, tukpojënë nyiniˈx kyëbäjk nyëtuky nëjotya (Markʉs 1:9, 10; Apostʉlʉty 8:36).

3. Ko nety të mnaywyandaˈagyëty, Jyobaa yˈawijxypyë net ets xykyuytyunët extëmë nety të mjënäˈäny (Salmo 50:14; Eclesiastés 5:4, 5). Mʉjkuˈugópk tyunaambyë mëjää ets kyaj xymyëdunëdë Jyobaa (1 Peedrʉ 5:8). Per mëwingonë Dios mët yëˈëygyëjxm ko mnuˈkxtäˈägët (Filipʉs 4:6, 7). Ëxpëkë Diosë yˈAyuk bom bom (Salmo 1:1-3). Katë xymyastuˈutyë jäˈäy diˈib mëët mnaymyukëdë (Ebreeʉsʉty 13:17). Pën mduundaapy dëˈën, ta xypyëkëdë mëjää ets ninäˈä xykyamastuˈudëdë Dios. Nëjxëp xytyuundäˈäy tëgekyë ti Dios tsyojkypy winë xëë winë tiempë.

[Notë]