Brujëˈäjtk etse käjxpojk axëëgëˈë

Satanas tsyojkypy etsë jäˈäyëty bryujëˈattët. Mayë jäˈäy twinˈyox twinnoˈktë oˈkpë anmë ets kyaj wiˈix tyunëdët. Ttundë dëˈën yëˈko ttsëˈëgëdë myëjääjë oˈkpë anmë. Tmëdattë këjiits o pulseerë diˈib yajkäjxtëp ko myëdäjtypyë mëjää. Wiinkpëtyë net tyun kyäjxtë pyux pyoottë tmëbëktë ko mbäät pyudëkëdë. Ets näägëty ttäjëdë tijaty, wyinmaytyë ko myëdäjtypyë mëjää etsë jäˈäy yˈaxëktunëdët o tpëjkëˈëktë tijaty parë kyuwäˈänëdët. Wiinkpëty nyayajniˈixëdë mä xëwëj xëëmaabyë pes tmëbëktë ko mbäät pyudëkëdë parë ttuknaxtëdë yˈëxpëjkënë eskuelë, mä yˈajuy yˈadooktë, ets mä nyoobyë tmëdattë.

Ko mˈitët myëtnaymyaayëbë Jyobaa yëˈë diˈib mbäät mguwäˈänyëty mëk mä Satanas. Jyobaa Dios mëdë yˈanklësëty waanë niˈigyë tmëdattë mëjää ets kyaj dyëˈënëtyë Satanas mëdë kyaˈoybyëty (Santya̱ˈa̱gʉ 2:19; Diˈibʉ Jatanʉp 12:9). Jyobaa mëk ttsojkënyˈaty ttukpudëkëyaˈanyë myëjää myëtnaymyaayëbëty diˈib amumduˈukjot kyaj myastuˈutyëty (1 Pe·drʉ 3:12).

Diosë yˈAyuk jyënaˈany: «Kyaj xytyuunkˈattëdë brujëˈäjtk». Jyobaa yajkubojkypy ko jäˈäy kyäjxpoky ets bryujëˈaty yëˈko mbäät xyjaˈabëjkëmë myëjää Kaˈoybyë Satanas (Levítico 19:26, NM; Galasyʉ 5:20).