Naymyayëdë mëdë Dios winë xëe winë tiempë

Nmëdäjtëm ets nyajjajkëm tuˈugë naymyayë mëjää yajtunäämp. Pën mduumbyë mëjää mnaymyayëdët mëdë Dios ets pën myajjejkypyë mnaymyayë mët yëˈë, mbäädaampy kajaa kunuˈxën. Jesus tˈanmääjy pënaty mëbëjkë: «Yëˈë tëyˈäjtën yëˈë moˈoyëdëp yëˈë mboˈxtakn» (Fwank 8:32). ¿Tidën ojts tmaytyäˈägäˈäny?

Tyam mbäät xymyëdatyë poˈxën o awäˈätstumˈäjtën. Mbäät mˈawäˈätspëtsemy mä tukniˈijxënë diˈib kyaj tyëyˈäjtënëty ets mä tadë anëë diˈibë Satanas të dyajwaˈxy. Nandëˈën mbäät mˈawäˈätspëtsemy mä kumoˈon kudujkënë diˈib miyonkˈamë jäˈäyëty tyukjukyˈäjttëp mët ko kyaj tˈixyˈattë Jyobaa (Romʉ 8:22). Yëˈë Diosë myëtnaymyaayëbëty awäˈätstum yajpäättë mä tëgekyë tijatyë jäˈäy tyuundëp ko ttsëˈëgëdë oˈkën (Ɛbreʉźʉty 2:14, 15).

Mbäät xymyëdatyë awäˈätstumˈäjtënë ko nety ja it Naxwinyëdë të jyëmbity tsuj. ¡Mä myiny kyëdaˈagyë tiempë jantsy oyë awäˈätstumˈäjtënë xymyëdatäˈäny! Ko tyäˈädë Naxwinyëdë jyëmbitët extëm tuˈugë lugäärë tsujpë, kyaj nyeky jyamˈatäˈänyë tsip, päˈäm, axëkˈäjtën, xonˈayoˈon ets ni yuu. Nˈawäˈätspëtsëmäˈänëm mä mëjäˈäyˈat ets mä oˈkën, nandëˈën mä tsëˈk jäˈän, ets mä naytyëytyunë. Tadë Biiblyë dëˈën tmaytyaˈagyë Dios: «Myajwaˈxypyë mgëˈë ets myajjotkëdakypyë tsyojkënë diˈibaty jukyˈäjttëp» (Salmo 145:16, NM).

Myëtnaymyaayëbëtyë Dios jyukyˈatäˈändë winë xëë winë tiempë. Dios nyamoˈoyäämbyë jukyˈäjtënë winë xëë winë tiempë pënaty tyuundëbë mëjää nyaymyayëty mët yëˈë, tuˈugë jukyˈäjtënë diˈib mëjwiin kajaa tsoobatp (Romʉ 6:23). Ok pawinmay waanë, tijatyëty nëjx jam xytyuny mä ja jukyˈäjtënë winë xëë winë tiempë.

Xymyëdatäˈänyë tiempë ets tijaty xytyunët. Waˈan xyjatsojkënyëˈaty xyjatäˈänyë xuxk kook, xykyoyëdë kuäädrë o xyjaˈtuunkˈatäˈänyë tsajts jëˈtk. Waˈan xyjaˈixyˈatäˈänyë jëyujk animal o ääy ujts. O xyjatsojkënyëˈaty mnëjxäˈänët mumaty, xyˈixyˈatäˈänëdë wiink it wiink lugäär mëdë jyaˈayëty. Kom ja jukyˈäjtënë ninäˈä kyakugëxëxäˈäny nëjxëp xytyuundäˈäy tëgekyë tyäˈädë.

Mëdataambyë tiempë ets xymyëdatët mayë mëtnaymyaayëbë. Mˈixyˈatëp mayë Diosë myëtnaymyaayëbë, pën mjukyˈäjtp winë xëë winë tiempë. Xyˈixäˈäny tijatyëty jyäjttëp ttunët, ets xyˈixyˈatäˈänyë oybyë jyaˈayˈäjtënë, ets nandëˈën mëët mnaymyayëdët. Xytsyokäˈändë ets nandëˈën yëˈëjëty mtsokäˈänëdë (1 Korintʉ 13:8). Kom winë xëë winë tiempë mjukyˈatäˈäny, mbäät xymyëtnaymyaayëbëˈaty niˈamukë pënaty tsënääytyëp yä Naxwiiny. Ets diˈib waanë niˈigyë oy, yëˈko tadë mnaymyayë mëdë Jyobaa niˈigyë myëjwindëkëyaˈany tuˈuk tuˈugë siiglë nyaxy. ¡Naymyayëdë mëdë Diosë winë xëë winë tiempë!