¿Mdunaampy mijts ti Jyobaa tsyejpy?

Oy ko të xyjuutyë mdiempë ets të xyʼëxpëkyë tyäʼädë foyetë etsëts xyʼixyʼattët, xynyijawët tijatyëts nduundëp ets wiʼixëts ndundë ninuʼunëts ndukʼitëdë Diosë kyäjpn. Nʼawijxtëbëts ko të mbudëkëty parë të xyjaygyukë ko ëëtsëtyën jeʼeyë diʼibëts tyam nduundëbë Diosë tsyojkën. Oy ko niʼigyë xyʼakʼixyʼatëdë Dios. Tukmëtmaytyäʼägë mfamilyë etsë mëtnaymyaayëbë diʼib mʼëxpëjkypy ets nëjkx jëjwitsë mäjëts nnaymyukëdë (Ebreeʉsʉty 10:23-25).

Ko niʼigyë xynyijawët pënën Jyobaa, ta niʼigyë xyjawët ko mtsojkëp. Ets yëʼë mbudëkëdëp parë xytyunëdë mëjää ets nanduʼun xytsyokët (1 Fwank 4:8-10, 19). Per ¿wiʼixë net mbäät xyajnigëxëʼëky mä mjukyʼäjtën ko mtsejpyë Dios? ¿Tiko yʼoyëty xymyëmëdowëdë yʼanaʼamën? ¿Ti mbudëkëyanëp parë mët ëëtsëty xytyunëdë Diosë tsyojkën? Parë xynyijawët wiʼix yaʼʼatsoojëmbityë tyäʼädë yajtëʼëwën, mbäät mbudëkëty pën myaʼëxpëjkëp. Pääty nnayaʼitëdë mä “Diosë tsyojkën” mëdë mfamilyë ets xyjëjpʼixët ja “jikyʼäjtën winë xëë winë tiempë” (Juudʉs 21).

Nʼanmääytyëp ets mwimbajtʼadëʼëtsët mä Diosë nyëʼë tyuʼu, mët ko xyʼëxpëkëdë tyäʼädë ëxpëjkpajn “Nayaˈitëdë xëmë mä ja Diosë tsyojkën”.