Parë uˈunktääk uˈunkteety

¿Diˈibë regalë mas oybyë mbäät xymyoˈoytyë mˈuˈunk mˈënäˈk? Kanäk pëky diˈib yajtëgoyˈäjttëp, extëm xytsyoktët, xykyuentˈattët ets xynyëˈëmoˈoy xytyuˈumoˈoytyët. Per ko tˈixyˈatëdë Jyobaa ets ko tnijawët ja tëyˈäjtën diˈib yajpatp mä Biiblyë, yëˈë diˈib mas oy mbäät xynyamoˈoytyë mˈuˈunk mˈënäˈk (Fwank 17:3). Ko tnijawëdët, yëˈë pudëkëdëp parë desde mutsk ttsoktëdë Jyobaa ets tmëdundët amumduˈukjot (Matewʉ 21:16).

Mayë uˈunktääk uˈunkteety të tˈixtë ko niˈigyë ënäˈkuˈunk tjattë ko yajtukniˈˈixëdë ets ko këˈëm ttundë. Pääty, jantsy jotkujkëts nnayjäˈäwëdë kots të nyajpëtsëmdë tyäˈädë ëxpëjkpajn diˈib xyëˈäjtypy, Tijatyëts tim jawyiin njäjtypy mä Biiblyë. Tyäˈädë foyetë adëyë myiny parë kyaj tsyiptakxëdët ja tääk teety dyaˈëxpëktëdë yˈuˈunk yˈënäˈk. Ja dibujë etsë tekstë diˈib myëmiimpy të yajtuknibëjtäägë parë ënäˈkuˈunk diˈibë jyëmëjt tëgëëk o mas mutsk. Nan tap myiny ti mbäät ttundë ja ënäˈkuˈunk. Tyäˈädë foyetë kyaj yëˈëjëty parë ënäˈkuˈunk jeˈeyë ttukˈëyëˈëk ttukuyattët. Yëˈë duˈun parë miitsëty mëdë mˈuˈunk mˈënäˈk xykyäjpxtët ets mëët mgäjpx mmaytyäˈäktët.

Seguurëts nˈittë ko tyäˈädë ëxpëjkpajn mbudëkëyanëdëp parë mˈuˈunk mˈënäˈk desde mutsk xytyukniˈˈixëdët ja tëyˈäjtën diˈib yajpatp mä Biiblyë (2 Timotee 3:14, 15).

Mëguˈuktëjk,

Diˈib wyooyoˈoytyëbë Jyobaa tyestiigëty