Diˈib nääk të nyayajtëwëdë

Pën nimajtskë Dios mëduumbë diˈib kyaj pyekyˈattë të dyajnaxtë tsuˈum mä tuˈugë tëjk, ets kyajxyëp tiko duˈun të yajpäättë, ¿mbäät njënäˈänëm ko të pyokytyundë ets ko tsojkëp nidëgëëgë mëjjäˈäytyëjk pyayoˈoyëdët?

Duˈun. Pën kyaj të jyamˈaty tuˈugë jotmay parë duˈun të yajpäättë, ta nidëgëëgë mëjjäˈäytyëjk pyayoˈoyëdët mët ko yajxon nyigëxëˈëky ko të pyokytyundë (1 Kor. 6:18).

Yëˈë mëjjäˈäytyëjk yajxon tˈixtë duˈumbë jotmay parë dyajwingëdäˈäktë pën tsojkëp tpayoˈoytyët nidëgëëgë mëjjäˈäytyëjk. Extëm nˈokpëjtakëm, ¿nayˈijx naytyuunëdëbë netyë tyäˈädë nimajtskpë jäˈäy? ¿Të yˈokˈyajkäjpxwijpëdë ko kyaj yˈoyëty extëm nyaymyënëjkxëdë? ¿Tiko të dyajnaxtë tsuˈum mä tuˈugë tëjk? ¿Të nety duˈun ttukniwinmayëdë? ¿Të niduˈugë jotmay tpääty diˈibë nety kyaj tˈawixy tjëjpˈixy o të yˈayoˈonbääty ets pääty nimajtsk të dyajnaxtë tsuˈum mä tuˈugë tëjk? ¿Mä të myäˈädë? (Ecl. 9:11). Kom tëgatsyaty tuˈuk tuˈugë jotmay, mbäät jyamˈaty tijaty mbäädë mëjjäˈäytyëjk tˈakpayoˈoytyë.

Ko nety ja mëjjäˈäytyëjk të tnijawëdë wiˈix yˈixëty ja jotmay, ta net tˈixtët pën pyayoˈoytyëp nidëgëëgë mëjjäˈäytyëjk o kyaj.