NˈOKˈYAˈËXPËJKËM OYË JÄˈÄY
Jat wiˈix oy xytyunëdë Diosë tyuunk: Niwinmayë këˈëm wiˈix xykyëyakäˈänyë rebistë
TIKO JYËJPˈAMËTY: Mbäät xypyudëjkëm extëm nyaˈˈanmäˈäyëm ngëyäjkëmë ëxpëjkpajn mä Tijaty yaˈëxpëkäämp ets yajtukjayëyäämp, per jeˈeyë xywyinmäˈänymyoˈoyëm. Mbäät këˈëm xymyaˈkxyë mˈää mˈayuk o xynyimaytyaˈaky tëgatsy, o axtë xykyëyakäˈänëdë wiink ëxpëjkpajn diˈibë jäˈäy yˈoymyëdowëp mä mgäjpxwaˈkxy. Pën myajtëgatsaampy, oy ko jawyiin xykyäjpxët ja rebistë, ets xyˈixët mä pajina 1 mä nyaˈˈanmäˈäyëm wiˈix nmëtmaytyakëmë jäˈäy, nan ixë bideo mä myinyë demostrasyonk; ta net këˈëm xywyinmayët wiˈixë jäˈäy xymyëtmaytyäˈägäˈäny.
WIˈIX NDUˈUNËM:
¿Mdunaampy extëm nyaˈˈanmäˈäyëm nmëtmaytyakëmë jäˈäy mä pajina 1?
OY
Niwinmayë jawyiin wiˈixë jäˈäy xyˈanëëmëyaˈany ko nety të xykyäjpxpoˈkxy. Anëëmë tiko të xynyinëjkxy. (Mbäät xyˈanëëmë: “Pääty të niminy yëˈko...”).
Winmay wiˈix xyˈanëëmëyaˈany ko nety të xyajtëy parë mbäät ja tekstë xykyajpxy, ets wiˈix xyˈawanëyaˈany ja ëxpëjkpajn. (Extëm nˈokpëjtakëm parë xykyäjpxët tuˈugë tekstë, mbäät xyˈanëëmë: “Okˈix wiˈixë Biiblyë tnimaytyaˈaky”).
KYAJ
Winˈix mä ja rebistë diˈibë mˈoymyëdoopy ets diˈibë jäˈäy yˈoymyëdowëp mä mgäjpxwaˈkxy.
Winmay ti ja jäˈäy myajtëwaampy parë yˈatsowët ets duˈun mgäjpx mmaytyäˈäktët, per kyaj tëgatsy xyajnayjawëdët.
Winˈix tuˈugë tekstë ets käjpx. (Ets pën yëˈë mgëyakaambyë ¡Despertad!, këˈëm xyˈixët pën mgäjpxaambyë tekstë o kyaj, pesë tyäˈädë rebistë yëˈë parë jäˈäy diˈib kyaj nëgoo tnijawëdë Biiblyë o kyaj ttukjotkujkˈattë relijyonk).
Winmay mä xykyäjpxäˈäny tuk wääts majtsk wääts parë xytyukmëtmaytyäˈägët ja jäˈäy wiˈix mbäät pyudëkëty ja artikulo.
OYTYIM MÄÄJËTY
Winmay ti myajtëwaampy parë xyˈatsoowëmbitët ko jatëgok xynyijëmbitët.
Kujayë parë xyjamyatsët wiˈix xymyëtmaytyäˈägäˈänyë jäˈäy ko jatëgok xynyijëmbitët.