Agujk jotkujk xyajnayjäˈäwëm diˈib nˈawijx njëjpˈijxëm

Diˈib nˈawijx njëjpˈijxëm duˈun “extëm ja pujxn diˈibë ja barkë wyoˈonˈijtypy” (Eb. 6:19). Xypyudëjkëm parë kyaj xitsoo yatsoo nyajmënëjkxëm ko nwinguwäˈkëmë amay jotmay (1 Tim. 1:18, 19). Tyäˈädë jotmay, mbäät yëˈëjëty ko nyajtëgoˈoyëmë jukyˈäjt madakën, ko jeky nbäˈämˈijtëm, ko pën axëëk xyajnayjäˈäwëm, ko yˈooky tuˈugë jiiky mëguˈuk o ko ti jotmay nbatëm diˈib xytyukmastuˈudäˈänëmë Jyobaa.

Ja mëbëjkën ets tijaty nˈawijx njëjpˈijxëm, xypyudëjkëm parë njantsy ijxëm tijatyë Jyobaa të twandaˈaky (2 Kor 4:16-18; Eb 11:13, 26, 27). Ets oy nˈawijxëm njukyˈatäˈänëm yä Naxwiiny o jam tsäjpotm, oy ko xëmë nbawinmäˈäyëm tijatyë Biiblyë wyandakypy. Yëˈë nëjkx xypyudëjkëm ko yaˈijxmatsët ja mëbëjkën, ets duˈunyëm ndukxondakëmë Diosë tyuunk (1 Peed. 1:6, 7).

KO NETY TË YAˈIJXTÄˈÄYË BIDEO “TUKXONDÄˈÄKTË JA DIˈIB MˈAWIJX MJËJPˈIJXTËP”, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tiko Moisés xymyoˈoyëm tuˈugë oybyë ijxpajtën?

• ¿Ti tuunk nyikëjxmˈäjttëp diˈib nyigëbäjkˈäjttëbë fyamilyë?

• ¿Tijaty mbäät xyˈëxpëktë mä mDiosˈawdattë mëdë mfamilyë?

• ¿Wiˈix mbäät xypyudëjkëm tijaty nˈawijx njëjpˈijxëm parë nwinguwäˈkëmë amay jotmay?

• ¿Ti diˈib mas mˈawijxy mjëjpˈijxypy?