WIˈIX JYUKYˈATYË DIOS MËDUUMBË

¿Mnaytyukpudëjkëbë foyetë Nˈokˈëxpëjkëmë Diosë jyaaybyajtën tuˈuk tuˈugë xëë?

¿Mgajpxypy bom bomë tyäˈädë foyetë? Pën kyaj, ¿tiko ogäˈän xykyakäjpxtsondaˈaky? Mayë nmëguˈukˈäjtëm ja tkäjpxtë jopyëp parë tpawinmaytyë mientrës tijaty ttundë (Jos. 1:8; Sal. 119:97). ¿Wiˈix mbäät niˈigyë mnaytyukpudëkëty ko xykyäjpxët ja tekstë? Käjpx tuˈuk majtsk ja bersikulo mä tkatukjäˈtynyëm ja tekstë. Ets parë xykyuytyunët extëm jyënaˈany, winmay pënë yˈijxpajtënë diˈib mä Biiblyë mbäät mbudëkëty. Ko tijaty nduˈunëm extëmë Biiblyë jyënaˈany, ta nasˈijxëm ets yëˈë xynyëˈëmoˈoy xytyuˈumoˈoyëm ets nnaytyukpudëjkëm (Sal. 119:105).

Mäjatyë Betel abëtsemy nyaxwinyëdë, jopy jopy tkäjpxtë foyetë Nˈokˈëxpëjkëmë Diosë jyaaybyajtën tuˈuk tuˈugë xëë. Ets kanääk kujk yajpëjtaˈaky mä JW Broadcasting^®, mä jyënaˈany BIDEO, ta net PROGRAMAS ESPIRITUALES. ¿Të näämnëm xyˈakˈixy? Mbäät jap tuˈuk myiny diˈib meerë myajtëgoyˈajtypy. Min nˈokˈijxëm wiˈix jyajtyë Lot ets wiˈix mbäät xypyudëjkëm ja yˈijxpajtën.

KO NETY TË YAˈIJXTÄˈÄYË BIDEO KYAJ NTSOJKËM TIJATY JAˈÄJTP NAXWIINY (1 FWANK 2:15), TA YAˈˈATSOOWËMBITËDË TYÄˈÄDË YAJTËˈËWËN:

Mä të yajkajpxy ja tekstë ¿diˈibë käjpxwijënë të yajnimaytyaˈaky?
¿Wiˈixë yˈijxpajtënë Lot xytyukˈijxëm ko kujotmay ntsojkëmë naxwinyëdë jäˈäy o tijaty tyuundëp? (Gén. 13:12; 14:12; 19:3, 12, 13, 24-26).
¿Wiˈix nyajnigëxëˈkëm ko yëˈë ntsojkëmë Jyobaa ets kyaj yëˈëjëty naxwinyëdë jäˈäy o tijatyë xyˈawäˈänëm?

Kanäägë dibujë: Tuˈugë nmëguˈukˈäjtëm tpawinmay ja tekstë diˈib të tkajpxy mä xyënaxy: 1) mientrës tkajpxy ta tpawinmay wiˈix ja anklëstëjk dyajpëtsëëmdë ja Lot mëdë fyamilyë jam Sodoma; 2) mientrës kyay, ta jatëgok tpawinmay diˈib të tkajpxy jopyëp ets 3) mientrës uxëp mä tyëjk wyitneˈeky, ta jatëgok tpawinmay ja tekstë — Mä ja xëëw nyajnäjxëm, ¿wiˈix mbäät nyajnigëxëˈkëm ko ntsojkëmë Diosë yˈAyuk?