WIˈIX JYUKYˈATYË DIOS MËDUUMBË
“Yajpëtsëmdë tukëˈëyë nuˈun mijts xytyijtën Dios, ets käˈäpë diosëty”
Jacob nyijäˈäwëbë nety ko Jyobaa yëˈëyë nitëjkëp yaˈˈawdatët, oyë nety tkayakynyëm ja ley mä dyajkubokyë awinax (Éx. 20:3-5). Pääty ko Jyobaa yˈanmääyë tsyënääytyëgatsët Betel, ta Jacob tˈanmääy ja fyamilyë ets ja tyuumbëty parë dyajpëtsëëmdäˈäytyët tukëˈëyë ja awinax. Ta net ojts tnitäjy tukëˈëyë ja awinax ets ja toxytyëjkë tyatsktëyëty, waˈanë nety dyajtundë parë kyuwäˈänëdët (Gén. 35:1-4). Jyobaa tyukjotkëdak ko Jacob duˈun ttuuny.
Ets tyam, ¿wiˈix mbäät yëˈëyë Jyobaa nˈawdäjtëm? Ko njëjpkudijëm tukëˈëyë diˈibë jäˈäy yajtuundëp mä tˈawdattë wiink dios, tukëˈëyë diˈib miimp mä brujëtëjk o mä jäˈäy tyun kyäjpxtë. Tyäˈädë yëˈë yˈandijpy ko tsojkëp nyajkutëgoˈoyëm tijatyë jäˈäy yajkäjpxtëp o yajniwij yajnikajtëp, ets nnaygyuentˈäjtëm mä tijaty nˈijxëm o ngäjpxëm. Oknayajtëwëdë: “¿Ngajpxypyëtsë liibrë o nˈijxypyëtsë pelikula mä yajnimaytyaˈagyë vampiros, zombis o diˈib myëdäjtypyë mëjääw? ¿Ndukxondakypyëts diˈib këxëˈkp ko kyaj jyawë yˈaxëëgëty, per myëmiimpy mä jäˈäy tyun kyäjpxtë, yˈëbok kyäjpxpoktë o bryujëˈattë?”. Tsojkëp mëk nnaygyuentˈäjtëm mët tukëˈëyë diˈibë Jyobaa yˈaxëkˈijxypy (Sal. 97:10).
KO NETY TË YAˈIJXTÄˈÄYË BIDEO NˈOKJËJPKUWÄˈKËM JA MËJKUˈU, TA YAˈˈATSOOWËMBITËDË TYÄˈÄDË YAJTËˈËWËN:
¿Ti jotmayë nety pyatypyë Palesa diˈib të tˈëxpëjktsoonyë Biiblyë?
¿Tiko yˈoyëty nˈamdoˈowëmë naybyudëkë mëjjäˈäytyëjk pën nmëdäjtëmë jotmay mëdë kaˈoybyë?
Nˈokjëjpkudijëmë kaˈoybyë ets nˈokmëwingoˈonëmë Dios (Sant. 4:7, 8).
¿Ti tsojkëp nyajkutëgoˈoyëm parë Jyobaa xykyuwäˈänëm?
¿Ti nety tsojkëp twinmayëdë Palesa pën tyunaampy o kyaj?
Mä ja mˈit mlugäär, ¿wixaty mbäät xyjëjpkudijë ja kaˈoybyë?