¿Ti mbäät xytyukniˈˈijxëmë nmëguˈukˈäjtëm diˈib jeky kujk Dios mëduunëdë?

Seguurë ko mä nduˈukmujkëm japˈäjtpë nmëguˈukˈäjtëm diˈib jeky kujk Dios mëduunëdë. Ets mbäät mëjwiin kajaa xytyukniˈˈijxëm mä wiˈix të ttukˈijxpattë Jyobaa, mbäät nˈanmäˈäyëm parë xytyukmëtmaytyakëm wiˈix ijty yˈixëty ja Diosë kyäjpn ets wiˈixë Jyobaa të pyudëkëdë parë të twinguwäˈägëdë amay jotmay. ¿Tiko ngawoˈowëmë tyäˈädë nmëguˈukˈäjtëm mä nDiosˈawdäjtëm tuk familyë parë xytyukmëtmaytyakëm wiˈix të jyukyˈaty?

Pën mijts jeky kujk mDiosmëduunë, oy ko ënäˈktëjk xytyukmëtmaytyäˈägët wiˈixë Jyobaa të mbudëkëty. Jacob mëdë José tyukmëtmaytyaktë tyëëm yˈääts wiˈixë netyë Jyobaa të pyudëkëdë (Gén. 48:21, 22; 50:24, 25). Ok, ta Jyobaa tˈanmääy pënaty nyigëbäjkˈäjttëbë fyamilyë ets ttukmëtmaytyäˈäktëdë yˈuˈunk yˈënäˈk tijaty mëjˈäjtënë netyë Jyobaa të ttuny (Deut. 4:9, 10; Sal. 78:4-7). Tyam, nan oy ko tääk teety etsë wiinkpë nmëguˈukˈäjtëm ttukmëtmaytyäˈäktëdë ënäˈktëjk tijatyë Jyobaa të ttuny mët yëˈëgyëjxmë nyax kyäjpn.

KO NETY TË YAˈIJXTÄˈÄYË BIDEO TUˈUGYË NˈIJTËM OY NYAJNIBËDËˈKËM, TA YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈixë Betel diˈib Austria ojts tpudëkëdë ja nmëguˈukˈäjtëm diˈib tsënääytyëp mäjaty paˈis mä kyubokyë Diosë tyuunk?

• ¿Ti tyuundë tyäˈädë nmëguˈukˈäjtëm parë mëk ja myëbëjkën dyaˈijttë?

• ¿Tiko mayë nmëguˈukˈäjtëm diˈib Rumania yˈabëkypyëtsëëmdë mä Diosë kyäjpn, ets ti pudëjkëdë parë jatëgok jyëmbijttë?

• ¿Wiˈixë mëbëjkën dyajkëktëkë tyäˈädë bideo?