¿Tijaty mbäät mbudëkëty ets bom bom kyäjpxëdë Biiblyë?

¿Mtsiptakxëp xykyäjpxëdë Biiblyë bom bom mëët ko jantsy mayë mduunk mˈayoˈon? (Jos. 1:8). Pën duˈun, mbäät xytyuny ixtëmë yä myaˈˈanëëmëyaˈany:

• Tuknibanë mdelefënë ets mdukjamyatsëdët. Mä ja mdelefënë pëjktäˈägë mˈalarmë ets mdukjamyatsëdët ko tsojkëp xykyäjpxëdë Biiblyë.

• Yaˈit ja mBiiblyë mä xyˈijxpäädët. Naskonë ja mBiiblyë mä mbäät xyˈijxpääty, duˈun xykyäjpxët tuˈuk tuˈugë xëëw (Deut. 11:18).

• Mmëdoowˈitë Biiblyë mëdiˈibë të yajgrabaraty. Mä ja nduunk ayoˈon tyuny mbäät ja Biiblyë xymyëdoowˈity mëdiˈibë të yajgrabaraty. Tara, mëdiˈibë tuump prekursoora ets tamë yˈuˈunk yˈënäˈk duˈun jyënaˈany: “Mäjëts jam tijaty nduny, tajëts nmëdoowˈity mëdiˈibë të yajgrabaraty mä Biiblyë, ets duˈunëts ngajpxy bom bom”.

• Këdii ni tukxëëw xykyaninaxy. Pën jam tii të tyuny të jyatyë mä tuˈugë xëëw ets kyaj të xykyajpxyë Biiblyë, mbäät xykyajpxy tuk bersikulo majtsk bersikulo ko nety mmäˈäjanë. Pes tam oy nuˈunën mbudëkëdët ko duˈun xykyäjpxët (1 Ped. 2:2).