Tijaty myëmiimpy

¿Nääk pëkyë mwandakënë të xytyuny mä Jyobaa? Wiˈix mˈoknayjawëty, ¿mjukyˈäjtp extëm ojts xywyandaˈaky? ¿Mduumbyë mëjääw parë xykyuytyuny extëm ojts mnaywyandaˈagyëty mä Jyobaa ets ti mdukwandak ja mjamyëët ko mbëjky? Mä tyäˈädë artikulo nˈixäˈänëm ti ijxpajtën pyëjtaktë Jefté etsë Ana. Extëm tkuytyuundë ja wyandakën yëˈë xypyudëkëyäˈänëm parë nanduˈun nguytyuˈunëm.

Xëmë nwinmäˈäyëm tijatyë Jyobaa xymyoˈoyäˈänëm mä ja it lugäärë tsujpë. Per mä tyäˈädë artikulo nnijawëyäˈänëm taxk pëkyë jotmay diˈibë Jyobaa jawyiin yajjëgaˈagaampy mä tkayajminynyëm ja jembyë jukyˈäjtën mä nˈitäˈänëm agujk jotkujk. Ets yëˈë diˈib yajkëktëkëyaambyë mëbëjkën parë nmëmadakëmë amay jotmay.

Ko näˈäty nwinmäˈäyëm ko kyaj të yajtuny ja ndëyˈäjtënˈäjtëm o ko jam pën kyaj të yajtunyë tyëyˈäjtën, mbäät yaˈijxmatsy pën nmëdäjtëmë mëbëjkën, pën ijtëm yujy tudaˈaky ets pën ntsojkëmë Jyobaa. Mä tyäˈädë majtskpë artikulo nˈixäˈänëm tëgëëgë ijxpajtën mä Biiblyë diˈib xypyudëkëyäˈänëm parë ngupëjkëm wiˈixë Jyobaa ttunyë tëyˈäjtën.

Jyobaa nitii tkayajtëgoyˈaty parë nmoˈoyëm, per jantsy jotkujk nyayjawëty ko nduˈunëmë tyuunk. Jueces kapitulo 4 etsë 5 yëˈë xytyuknijawëyäˈänëm ko Jyobaa yajtsobatypy ko xondaˈakyˈääw xondaˈakyjyot nmëduˈunëm ets ko nbanëjkxëm extëm xytyuˈumoˈoyëm.